"დანარჩენებიც დაზარალდებიან" - რუსეთმა ჯო ბაიდენს სანქციები დაუწესა
რუსეთის საგარეო საქმეთა სამინისტრომ განაცხადა, რომ რუსეთმა აშშ-ის პრეზიდენტ ჯო ბაიდენს სანქციები დაუწესა. ამის შესახებ ინფორმაციას BBC ავრცელებს.
მათივე ინფორმაციით, სანქციები ასევე ეხება სახელმწიფო მდივან ენტონი ბლინკენს, თავდაცვის მდივან ლოიდ ოსტინს, ეროვნული უსაფრთხოების მრჩეველს ჯეიკ სალივანსა და CIA-ს ხელმძღვანელს უილიამ ბერნსს.
რუსეთის საგარეო საქმეთა სამინისტრომ განაცხადა, რომ რუსეთმა აშშ-ის პრეზიდენტს რუსეთის ტერიტორიაზე შესვლა აუკრძალა. როგორც უწყებაში აცხადებენ, ეს არის რუსეთის პასუხი აშშ-ის მკვეთრად რუსოფობიულ პოლიტიკაზე.
ამასთან, როგორც BBC იუწყება, სამინისტროში აცხადებენ, რომ დანარჩენებიც დაზარალდებიან.