ჯორჯ ბუში და ბილ კლინტონი ჩიკაგოში, უკრაინულ ეკლესიაში - აშშ-ის ექსპრეზიდენტებმა უკრაინელთა მიმართ სოლიდარობა გამოხატეს (ფოტოები)
აშშ-ის ყოფილმა პრეზიდენტებმა ჯორჯ ბუშმა და ბილ კლინტონმა ჩიკაგოში მდებარე უკრაინული ეკლესია მოინახულეს, რათა უკრაინელი ხალხის მიმართ სოლიდარობა გამოეხატათ, - ამის შესახებ ინფორმაციას CNN ავრცელებს.
პრეზიდენტებმა "ტვიტერში", წმ. ვოლოდიმირისა და ოლგას კათოლიკურ ეკლესიაში მათი ვიზიტის ამსახველი ვიდეო გამოაქვეყნეს.
"ამერიკა უკრაინის ხალხთან ერთად დგას მათ თავისუფლებისთვის ბრძოლაში და ჩაგვრის წინააღმდეგ", - დაწერა კლინტონმა "ტვიტერზე" .
"ამერიკა სოლიდარულია უკრაინის ხალხის მიმართ, რადგან ისინი, მათი თავისუფლებისა და მომავლისთვის იბრძვიან", - ნათქვამია ჯორჯ ბუშის საპრეზიდენტო ცენტრის "ტვიტერზე"