ავტორი:

თბილისის მერის სამოსი საზოგადოების ყურადღებას იპყრობს - რა ღირს მოთხილამურის ქურთუკი, რომელიც კალაძეს გზის გაწმენდის სამუშაოების დათვალიერებისას ეცვა

თბილისის მერის სამოსი საზოგადოების ყურადღებას იპყრობს - რა ღირს მოთხილამურის ქურთუკი, რომელიც კალაძეს გზის გაწმენდის სამუშაოების დათვალიერებისას ეცვა

თბილისის მერის, კახა კალაძის ჩაცმის სტილი ხშირად იპყრობს საზოგადოების ყურადღებას. კალაძის სამოსი არაერთხელ გამხდარა განხილვის საგანი.

დედაქალაქის მერმა ადამიანების ყურადღების სტილზე გადატანა კიდევ ერთხელ მოახერხა.

ის წყნეთი-კიკეთის საავტომობილო გზის გაწმენდის სამუშაოებზე მივიდა, საიდანაც "ფეისბუქზე" პირდაპირ ეთერში ჩაერთო. ბევრისთვის საინტერესო აღმოჩნდა მისი ქურთუკი, რომელიც სამოსის იაპონური ბრენდის, Descente-ის კოლექციიდანაა.

ონლაინ მაღაზია sportofino.com-ზე აღნიშნული ქურთუკი ფასდაკლებით, 665 ევროდ იყიდება, თუმცა მისი პირვანდელი ღირებულება 950 ევროა.

Descente-ის ზამთრის, სპორტული ქურთუკი სპეციალურად მოთხილამურეებისთვისაა შექმნილი. როგორც ვებგვერდზე გამოქვეყნებულ ინფორმაციაშია აღნიშნული, სამოსი დამზადებულია წყალგაუმტარი, მსუბუქი მასალისგან.

ცნობილია, რომ დედაქალაქის მერის ჩაცმულობაზე მისი დიზაინერი მეუღლე ანუკი არეშიძე ზრუნავს. კალაძეს მოთხილამურის ქურთუკი კი ზამთრის კურორტების მაგიერ, მარტში, წყნეთი-კიკეთის გზაზე გამოადგა.

ნახეთ, კალაძის ჩართვა "ფეისბუქის" პირდაპირ ეთერში: