ხარკოვში დაბომბვის შედეგად რამდენიმე ადამიანი, მათ შორის 9 წლის ბავშვი დაიღუპა

უკრაინაში, რუბიჟნეში სამი ადამიანი დაიღუპა, მათ შორის ორი ბავშვი. ამის შესახებ ინფორმაციას Kyiv Independent-ზე დაყრდნობით, "გარდიანი" ავრცელებს.

გამოცემა ციტირებს ლუგანსკის ოლქის გუბერნატორს, რომ ბოლო 24 საათის განმავლობაში რუბიჟნესა და სევეროდონეცკში 24 სახლი და საცხოვრებელი კორპუსი განადგურდა​.

უკრაინის სააგენტო „ინტერფაქსი“ კი იტყობინება, რომ ხარკოვში ღამით დაბომბვის შედეგად ხუთი ადამიანი დაიღუპა. ხარკოვის რეგიონში ეროვნული პოლიციის უფროსის თანაშემწის ვიაჩესლავ მარკოვის თქმით, დაღუპულთა შორის არის ცხრა წლის ბიჭი.