როდის დათბება საქართველოში? - უახლოესი დღეების ამინდის პროგნოზი

საქართველოში 22 მარტიდან ამინდი გაუმჯობესდება. ამის შესახებ "ინტერპრესნიუსს“ გარემოს ეროვნულ სააგენტოში განუცხადეს.

სინოპტიკოსების პროგნოზით, დასავლეთ საქართველოში 24 მარტამდე თოვლი ნავარაუდევი არ არის, აღმოსავლეთ საქართველოში კი თოვა ხვალიდან თანდათანობით შეწყდება.

მათივე ინფორმაციით, მომდევნო დღეებში გარდა ნალექის შემცირებისა, მოსალოდნელია ტემპერატურის მატებაც.

"დასავლეთ საქართველოში ხვალიდან 23 მარტის ჩათვლით ამინდი გაუმჯობესდება, უმეტესად უნალექო ამინდია ნავარაუდევი, მოსალოდნელია დღის ტემპერატურის მომატება 10-12 გრადუსამდე. ღამის საათებში ტემპერატურა დაბლობ რაიონებში 0 ; -3 გრადუსებში იქნება 21, 22 მარტს, შემდგომ დღეებში ღამის ტემპერატურის მატებაც არის მოსალოდნელი. 24 მარტამდე დასავლეთ საქართველოში თოვლი ნავარაუდევი არ არის.

რაც შეეხება აღმოსავლეთ საქართველოს, ხვალიდან თანდათანობით შეწყდება თოვა, ჰაერის მაქსიმალური ტემპერატურა 2-4 გრადუსს შორის იქნება.

სინოპტიკური სიტუაცია გაუმჯობესებისკენ მიდის დასავლეთ საქართველოში და აღმოსავლეთ საქართველოში 22 რიცხვიდან, როგორც მინიმუმ ტემპერატურის მატებაა მოსალოდნელი“, - განაცხადეს გარემოს ეროვნულ სააგენტოში.