"ყარაბაღი ისევ დენთის კასრზე" - რა ხდება უკრაინაში მიმდინარე ომის კვალდაკვალ მთიან ყარაბაღში: რუსეთის ჯარის გასვლის შემდეგ, აზერბაიჯანმა კიდევ ერთი სოფელი დაიკავა
უკვე მერამდენედ, პერიოდულად, მყიფე მშვიდობის ფონზე, მთიან ყარაბაღში ისევ ისმის სროლის ხმა. რამდენიმე დღის წინ გავრცელებული ცნობების კვალდაკვალ, რუსეთმა რეგიონიდან სამხედრო ნაწილები გაიყვანა, სომხური მხარე ამბობდა, რომ "არცახის მოსახლეობას დაუცველობის განცდა აქვს." გუშინ ცნობილი გახდა, რომ მთიან ყარაბაღში აზერბაიჯანულმა მხარემ კიდევ ერთი სოფელი დაიკავა.
სომხეთის თავდაცვის მინისტრის, სურენ პაპიკიანის ცნობით, აზერბაიჯანმა 2020 წლის შეთანხმება დაარღვია და ცეცხლი გახსნა. სომხური მედიის ცნობით, "პაპიკიანი ესაუბრა რუს კოლეგას, სერგეი შოიგუს, რომელიც 11 მარტის შემდეგ საჯაროდ არ გამოჩენილა."
მათივე ინფორმაციით, შოიგუმ სომეხ კოლეგას უპასუხა, რომ რუსეთის თავდაცვის სამინისტრო და ზოგადად, რუსეთი, რეგიონში მიმდინარე პროცესებს აკონტროლებს. "მისივე თქმით, ყველა აუცილებელი ნაბიჯი გადაიდგმება სიტუაციის მშვიდობიანად გადაჭრისთვის."
kavkaz-uzel.eu-ს ცნობით, ყარაბაღში განვითარებულ პროცესებს განცხადებით გამოეხმაურა რუსეთი. შოუგუს უწყებაში ამბობენ, რომ - "აზერბაიჯანის გადაწყვეტილება ეწინააღმდეგება ბაქოსა და მოსკოვის ორმხრივი ურთიერთობების არსს და ასევე რუსეთსა და აზერბაიჯანს შორის 22 თებერვალს ხელმოწერილ მოკავშირეობისა და თანამშრომლობის დეკლარაციას." რუსეთის თავდაცვის სამინისტროს ცნობით, აზერბაიჯანის არმია მთიანი ყარაბაღის ტერიტორიაზე რუსეთის სამშვიდობო კონტინგენტის ზონაში შევიდა,
რუსეთის განცხადება უპასუხოდ არ დატოვა აზერბაიჯანის თავდაცვის სამინისტრომ და ბაქომ მოსკოვს განუმარტა, რომ აზერბაიჯანის ტერიტორიაზე არანაირი მთიანი ყარაბაღის ადმინისტაციული და ტერიტორილი ერთეული არ არსებობს. "რაც შეეხება რუსეთის თავდაცვი სამინისტროს მიერ ნახსენებ სოფელს, რომელსაც ფურუხი უწოდეს, სინამდვილეში მას ფარუხი ჰქვია", - აცხადებენ აზერბაიჯანში.
- ამასთან, აღნიშნული ქვეყნის თავდაცვის სამინისტრო რუსულ მხარეს მოუწოდებს, რომ თავი შეიკავოს “მთიანი ყარაბაღის” დასახელების გამოყენებისგან.
"როდესაც რუსული მხარე ვალდებულებებს გვახსენებს, მას მოვუწოდებთ, უზრუნველყოს აზერბაიჯანის საერთაშორისოდ ცნობილი ტერიტორიებიდან სომხეთის არმიისა და უკანონო სომხური შეირაღებული რაზმების გაყვანა, რასაც 2020 წლის 9 ნოემბრის სამმხრივი განცხადება ითვალისწინებს", - ნათქვამია აზერბაიჯანის თავდაცვის სამინისტროს მიერ გავრცელებულ მიმართვაში.
რუსული მხარის განცხადებით, "აზერბაიჯანულმა ჯარმა დასახლებულ პუნქტ ფურახში მთიანი ყარაბაღის დანაყოფებს Bayraktar TB2- ის უპილოტო საფრენი აპარატებით ოთხი დარტყმა მიაყენეს. რუსული მხარე გრძნობს პასუხისმგებლობას. სამშვიდობო კონტინგენტი სიტუაციის დასარეგულირებლად და ჯარების საწყის წერტილში დასაბრუნებლად მუშაობს", - ნათქვამია რუსეთის თავდაცვის სამინისტროს განცხადებაში.
- როგორც რუსული მხარე იუწყება, აზერბაიჯანულ მხარეს ჯარის გაყვანაზე მიმართვა გაეგზავნა.
სომხეთის მოსახლეობის ნაწილის მოსაზრებით, აზერბაიჯანი ამ გადაწყვეტილებას რუსეთთან შეთანხმების გარეშე არ მიიღებდა, ამიტომ, "არ არის გამორიცხული, ყარაბაღში მიმდინარე პროცესები რუსეთის ერთგვარი პასუხი იყოს სომხეთის მხრიდან უკრაინის ომში გამოჩენილი ნეიტრალური პოზიციის გამო."
"როგორც მოსალოდნელი იყო, ჩვენი სტრატეგიული პარტნიორი სომხეთის დასჯას ცდილობს, უკრაინის ომის მიმართ ნეიტრალური პოზიციის გამო", - წერენ სომხები სოციალურ ქსელში.
ყარაბაღის უშიშროების სამსახურმა პუტინს ე.წ. რეგიონში სამშვიდობო ძალების რაოდენობის გაფართოების თხოვნით მიმართა.
სომხები სოციალურ ქსელებში წერენ, რომ მაშინ, როდესაც რუსეთი მთლიანად გადართულია უკრაინის ომზე, როგორც ყარაბაღიდან, ასევე გიუმრის ბაზიდანაც კი გაიყვანა სამხედროების გარკვეული ნაწილი და ყარაბაღის თემამ უკანა პლანზე გადაინაცვლა.
"თუ უკრაინის ომი კიდევ რამდენიმე კვირა გაგრძელდა, ეს ნიშნავს, რომ ყარაბაღს დავკარგავთ, რადგან პუტინს ახლა ჩვენთვის არ სცხელა, ის ცდილობს, უკრაინაში მიღებული სამხედრო სირცხვილი დააბალანოს", - წერს ევგენია არუთიანიანი.
"ჩვენს სტრატეგიულ პარტნიორს ალბათ ეგონა, რომ ერევნიდან მოხალისეეებით სავსე ათეულობით ეშელონი მიაწყდებოდა, რაც საბედნოეროდ არ მოხდა, "გაზპრომის" მიე დაფინანსებული აქციების კვალდაკვალ, რომლებიც ამ ომში მხარს რუსეთს უჭერენ, არის საწინააღდეგო მოსაზრებები, ხალხს არ სურს ომი, ჩვენ ვნახეთ ომი ახლახან და შედეგებს დღემდე ვიმკით.
ამასთან, რუსეთთან მეგობრობა ცალმხრივია და მოსახლეობა ხედავს, რა მოგვიტანა მასზე დამოკიდებულებამ. ამიტომ ახლა ყარაბაღში მიმდინარე პროცესების გამო პრეტენზიებით ჩვენს ხელისუფლებასა და პუტინს მივმართოთ. ვთხოვოთ საერთაშორისო საზგადოებას, გაეროსა და სხვა ორგანიზაციებს, ყურადღება მოგვაქციონ.
არ გვინდა რუსეთის ნანგრევებში მოვყვეთ. ყარაბაღი კი, ისევ დენთის კასრზე ზის", - მიაჩნია ეგინე ნალბანდიანს.