რუსულმა ძალებმა ჩერნობილის ატომური ელექტროსადგურის დატოვების შემდეგ მძევლები წაიყვანეს
რუსმა ჯარიკაცებმა ჩერნობილის ატომური ელექტროსადგურის დატოვების შემდეგ დაუზუსტებელი რაოდენობის დატყვევებული უკრაინელი სამხედროები თან წაიყვანეს, - ამის შესახებ სახელმწიფო ბირთვული სააგენტო Energoatom-ი იუწყება.
"რუსმა ოკუპანტებმა, როდესაც ისინი ჩერნობილის ატომური ელექტროსადგურიდან გაიქცნენ, თან წაიყვანეს ეროვნული გვარდიის წევრები, რომლებიც 24 თებერვლიდან მძევლად ჰყავთ აყვანილი,”- აცხადებენ უწყებაში.
ამასთან, Energoatom-ში არ აკონკრეტებენ, რამდენი უკრაინელი სამხედრო წაიყვანეს რუსულმა ძალებმა.