"ნავთობის საცავში ხანძარი უკრაინის შეიარაღებული ძალების ორი ვერტმფრენის ავიადარტყმის შედეგად გაჩნდა" - რას წერს ბელგოროდის გუბერნატორი
რუსეთში, უკრაინის საზღვართან ახლოს, ქალაქ ბელგოროდში ნავთობის საცავს ცეცხლი გაუჩნდა, - ინფორმაციას რუსული მედია ავრცელებს.
"ქალაქ ბელგოროდში ნავთობის საცავში ხანძარია. სასწრაფო დახმარების ყველა სამსახური შემთხვევის ადგილზე იმყოფება. მიღებულია ზომები ცეცხლის ჩასაქრობად“, - წერს რეგიონის გუბერნატორი ვიაჩესლავ გლადკოვი ტელეგრამის არხზე.
როგორც გლადკოვი წერს, ნავთობტერმინალი უკრაინულმა ვერტმფრენებმა დაბომბეს.
"ნავთობის საცავში ხანძარი უკრაინის შეიარაღებული ძალების ორი ვერტმფრენის ავიადარტყმის შედეგად გაჩნდა. მსხვერპლი არ არის", - წერს რეგიონის გუბერნატორი.
საკითხთან დაკავშირებით უკრაინაში ჯერჯერობით კომენტარი არ გაუკეთებიათ.
ნახეთ ვიდეო: