ხმაური ბათუმში - რა მოხდა 23-ე საარჩევნო უბანზე?
ბათუმში 14-ვე საარჩევნო უბანი 08:00 საათზე გაიხსნა. როგორც „ინტერპრესნიუსის“ კორესპონდენტი ადგილიდან იუწყება, ხმაური იყო 23-ე საარჩევნო უბანზე, სადაც ხმის მიცემა დაგვიანებით დაიწყო. როგორც კომისიის წევრები აცხადებენ, ცესკო-ს ვერიფიკაციის აპარატს პრობლემა ჰქონდა, რის გამოც ამომრჩეველთა სიის ამობეჭდვა ვერ მოხერხდა.
ბათუმის საკრებულოს მაჟორიტარი წევრობისთვის 2 კანდიდატი იბრძვის - „ერთიანი ნაციონალური მოძრაობიდან“ მათე ფუტკარაძე და „ქართული ოცნებიდან“ რამაზ ჯინჭარაძე.
ცნობისთვის, ბათუმის ახალი მოწვევის საკრებულოს დეპუტატი ნუგზარ ფუტკარაძე არჩევნებიდან რამდენიმე კვირაში გარდაიცვალა, რის გამოც მეოთხე სამაჟორიტარო ოლქში შუალედური არჩევნები ჩაინიშნა.