კიმ ჩენ ინის მრისხანე და - ჩრდილოეთ კორეის ყველაზე გავლენიანი ქალი სამხრეთ კორეას ბირთვული თავდასხმით ემუქრება

კიმ იო ჯონგი, ჩრდილოეთ კორეის პოლიტბიუროს წევრი და კიმ ჩენ ინის და, სამხრეთ კორეას პრევენციული დარტყმის შესაძლებლობის შესახებ მეორე გაფრთხილებას აძლევს ის სამხრეთ კორეას "ბირთვული შურისძიებით" ემუქრება, თუ "მათ პროვოცირებას მოახდენენ".

ჩრდილოეთ კორეულ მედიაში გავრცელდა ოფიციალური განცხადება, სადაც კიმ იო ჯონგი სამხრეთ კორეის თავდაცვის მინისტრის, სუ ვუკის ბოლოდროინდელ კომენტარებს იხსენებს და ამ კონტექსში "პრევენციული დარტყმების" შესახებ საუბრობს.

კიმ იო ჯონგი სამხრეთ კორეის თავდაცვის მინისტრის განცხადებებს "გიჟის ისტერიას“ უწოდებს. ეს კიმ ჩენ ინის დის უკვე მეორე გაბრაზებული და მკაცრი განცხადებაა სუ ვუკისადმი.

გასულ კვირას მან განაცხადა, რომ სამხრეთ კორეაში გაკეთებული განცხადებები უგუნურია და დაამატა: "თუ კატასტროფის თავიდან აცილება სურთ, თვითდისციპლინას უნდა მიმართონ“.

ჩრდილოეთ კორეა უკვე არაერთხელ დაიმუქრა ოპონენტების წინააღმდეგ, საჭიროების შემთხვევაში, ბირთვული იარაღის გამოყენებით.

• ცნობისთვის, ქვეყნის სტრატეგიულ სარაკეტო სარდლებთან ვიზიტისას სამხრეთ კორეის თავდაცვის მინისტრმა, სუ ვუკმა თქვა, რომ სამხრეთ კორეა მზადაა, ჩრდილოეთის მხრიდან ბირთვული თავდასხმის დაგეგმვის შემთხვევაში, წინააღმდეგობა გაუწიოს მათ. აღსანიშნავია, რომ სეული დიდი ხანია მსგავს საფრთხეებთან გასამკლავებლად სტრატეგიას გეგმავს, მაგრამ ოფიციალურად, მსგავს განცხადებას იშვიათად აკეთებენ.

მიმდინარე თვის ბოლოს, ჩრდილოეთ კორეა კიმ ჩენ ინის ბაბუის, კიმ ირ სენის დაბადების 110 წლის იუბილეს აღნიშნავს. ამ დღეს, ტრადიციულად, სამხედრო აღლუმები იმართება, იარაღი იტესტება ან თანამგზავრებს უშვებენ.

წყარო: aljazeera

მოამზადა: ანა სიბოშვილმა