"რუსეთს არ შესწევს ძალა, წინააღმდეგობა ბრძოლის ველზე გაგვიწიონ და ცინიკურად ანადგურებენ მოსახლეობას" - ზელენსკი კრამატორსკში თავდასხმაზე

ეს არის ბოროტება, რომელსაც არ აქვს საზღვარი და თუ ის არ დაისჯება, არც არასდროს გაჩერდება, - ასე გამოეხმაურა უკრაინის პრეზიდენტი ვოლოდიმირ ზელენსკი უკრაინის აღმოსავლეთ ნაწილში, დონეცკის ოლქის ქალაქ კრამატორსკში რკინიგზის სადგურზე განხორციელებულ თავდასხმას.

პრეზიდენტის თქმით, რუს სამხედროებს არ შესწევთ ძალა და გამბედაობა უკრაინის შეიარაღებულ ძალებს წინააღმდეგობა ბრძოლის ველზე გაუწიონ და ცინიკურად ანადგურებენ მშვიდობიან მოსახლეობას.

"ოკუპანტებმა კრამატორსკის რკინიგზის სადგურზე თავდასხმა "ტოჩკა უ"-თი განახორციელეს, სადაც ათასობით მშვიდობიანი მოქალაქე ევაკუაციის მოლოდინში იმყოფებოდა. პოლიცია და მაშველები ადგილზე არიან. რუსი მოძალადეები არ ტოვებენ თავიანთ მეთოდებს. მათ არ შესწევთ ძალა და გამბედაობა წინააღმდეგობა ბრძოლის ველზე გაგვიწიონ და ცინიკურად ანადგურებენ მშვიდობიან მოსახლეობას. ეს არის ბოროტება, რომელსაც არ აქვს საზღვარი და თუ ის არ დაისჯება, არც არასდროს არ გაჩერდება“,- განაცხადა ვოლოდიმირ ზელენსკიმ.

შეგახსენებთ, უკრაინის აღმოსავლეთ ნაწილში, დონეცკის ოლქის ქალაქ კრამატორსკში რკინიგზის სადგურზე განხორციელებული ავიაიერიშის შედეგად 39 ადამიანი დაიღუპა, მათ შორის 4 ბავშვია.

ასევე იხილეთ:

• ათობით გარდაცვლილი და მათ შორის, ბავშვები - კრამატორსკში, რკინიგზის სადგურზე განხორციელებული ავიაიერიშის უმძიმესი შედეგი (ფოტო, ვიდეო)