კიევის ოლქში, დაბა მაკაროვში რუსების მიერ მოკლული 132 ადამიანის ცხედარი აღმოაჩინეს
კიევის ოლქში, დაბა მაკაროვში დახვრეტილი 132 ადამიანის ცხედარი აღმოაჩინეს; ქალაქის 40% დანგრეულია. "უკრაინსკაია პრავდას“ ინფორმაციით, ამის შესახებ დაბის ხელმძღვანელმა ვადიმ ტოკარმა განაცხადა.
"გუშინდელი დღის მდგომარეობით, ჩვენ შევძელით 132 სამოქალაქო პირის ცხედრის პოვნა, რომლებიც რუსმა დამპყრობლებმა დახვრიტეს“, - განაცხადა ტოკარმა.
მისივე თქმით, მაკაროვის 40% დანგრეულია, ზოგიერთი სახლი აღდგენას საერთოდ აღარ ექვემდებარება.
ტოკარის თქმით, გარდაცვლილები ასევე აღმოაჩინეს მასობრივ სამარხებში.
მანვე აღნიშნა, რომ ომამდე, დაბაში 15 ათასამდე ადამიანი ცხოვრობდა, ხოლო აქტიური ფაზის დროს ათასზე ნაკლები ადამიანი დარჩა.