გინდა გახდე ჰოლივუდის დონის პროფესიონალი ფილმმეიკერი?  მაშინ ეს შენთვისაა

საქართველოს უნივერსიტეტში ქართულ-ამერიკული კინოაკადემია გაიხსნა. ეს არის ერთადერთი ადგილი საქართველოში, სადაც შეძლებ მიიღო დასავლური, უმაღლესი სტანდარტის ცოდნა. ქართულ-ამერიკული კინოაკადემია, ერთი-ერთში იმეორებს იმ სწავლების მეთოდებს, რაც ნიუ-იორკის ფილმის აკადემიასა და ლოს ანჯელესის კინო სკოლაშია.

პროდიუსინგი, კინო ოპერატორის ოსტატობა, აუდიო-ვიზუალური რეჟისურა, ხმის დიზაინი, კინო მხატვრობა, კინო დრამატურგიის ოსტატობა და ა.შ. ეს იმ სალექციო თემატიკის ნაწილის ჩამონათვალია, რასაც კინო-აკადემიის სტუდენტები, 12 კვირიანი, სასერთიფიკატო კურსის გავლისას ინტენსიურად ისწავ-ლიან.

სასერთიფიკატო კურსზე რეგისტრაცია 27 აპრილამდე მიმდინარეობს და პირველი ნაკადი 70% ფასდაკლებას მიიღებს.

პროგრამის შემქმნელი და ხელმძღვანელია, ცნობილი პროდიუსერი და სცენარისტი, მირზა პაპუნა დავი-თაია, რომლის ფილმწარმოების

რეზიუმეც მოიცავს ისეთ ცნობილ ფილმებს, როგორებიცაა: „აგვისტოს 5 დღე“, „ანტონი“, „ვიწრო ხიდი“, „ჰაჯიბეის ციხესიმაგრე“ და სხვ.

ჩვენთან დამატებით დეტალებზე, ზოგადად კინოაკადემიისა და სასერტიფიკატო კურსების შესახებ სწორედ ბატონმა პაპუნამ და კინო-ტელე ოპერატორმა - გიორგი ვაწაძემ ისაუბრეს.

ბატონო პაპუნა, თუ შეიძლება უფრო დეტალურად გვიამბეთ, რას ისწავლიან ქართულ - ამერიკულ კინოაკადემიაში დაინტერესებული სტუდენტები?

ქართულ-ამერიკული კინოაკადემია არის ადგილი, სადაც სწავლების ხარისხი კინოინდუსტრიის უმაღლესი სტანდარტის შესაბამისია. ჩვენი პროგრამით დაინტერესებულ პირებს უკვე შეუძლიათ 12 კვირიანი, ინტენსიურ პრაქტიკულ სასერტიფიკატო კურსით სიღრმისეულად გაეცნონ კინოწარმოების ყველა ასპექტი და აირჩიონ ის სფერო, რაშიც ისინი მომავალში ამჯობინებენ სპეციალიზაციას.

ყველაზე მნიშვნელოვანი ის არის, რომ კინოაკადემიის სტუდენტი, პირველივე დღიდან იწყებს ფილმზე მუშაობას, საბოლოო ჯამში კი იქმნის პროფესიონალური დონის პორტფოლიოს. ფილმზე მუშაობის პერი-ოდისას სტუდენტები შეძლებენ შეისწავლონ ყველა მიმართულება: პროდიუსინგი, კინო დრამატურგის ოსტატობა, ხმის დიზაინი, კინოს მხატვრობა, რეჟისურა - რაც საბოლოო ჯამში მათ დაეხმარება, რომ გადაიღონ მოკლემეტრაჟიანი ფილმი.

პროგრამა გამორჩეულია კიდევ იმით, რომ გარდა აქ მყოფი დარგის პროფესიონალი ლექტორებისა, სტუდენტებისთვის ჩატარდება მასტერკლასები პირდაპირ ჰოლივუდიდან და მათთვის ხელმისაწვდომი იქნება ყველა საერთაშორისო რესურსი, რასაც კინოინდუსტრია მოიცავს.

ბატონო გიორგი, თქვენ ხართ ტელე - კინო ოპერატორი და ასწავლით ოპერატორის ხელოვნებას, როგორი იქნება თქვენი სწავლების მეთოდი?

პირველ რიგში აღსანიშნავია, რომ სტუდენტებს ქართულ-ამერიკულ კინოაკადემიაში მუშაობა მოუწევთ უმაღლესი ხარისხის აპარატურით, პირველივე დღიდან. ოპერატორის ხელოვნება კადრის გადმოცემა და ამბის თხრობის ვიზუალური ნაწილია, რაც პირველ რიგში, გარდა კარგი ხედვისა, საჭიროებს თა-ნამედროვე ტექნიკას, რომელიც სტუდენტებს პროფესიონალებად ქცევაში დიდ დახმარებას გაუწევს.

სტუდენტები კურსის განმავლობაში ისწავლიან, როგორ ააწყონ კომპოზიცია და შეარჩიონ გადაღების რაკურსი. ამ პროფესიაში მნიშვნელოვანია, რომ თეორია და პრაქტიკა ერთად ისწავლებოდეს, ქართულ -ამერიკულ კინოაკადემიაში, კი სწორედ ამ მეთოდს ვიყენებთ. ყველა კურსი პირველივე დღიდან პრაქტიკული დავალებებით იქნება დატვირთული, რაც საბოლოო ჯამში სტუდენტს პროფესიონალად ჩამოყალიბებაში დაეხმარება.

R