როგორ შევიძინოთ წიგნები დაბალ ფასად - „პალიტრა L-მა“ ყოველთვიური გამოწერის სერვისი დაამატა
გამომცემლობა „პალიტრა L“ კითხვის მოყვარულებს ახალ სერვისს სთავაზობს: შეარჩიეთ ლიტერატურის კონკრეტული სერია, გახდით ყოველთვიური გამომწერი და მიიღეთ წიგნები დაბალ ფასად.
სერიების რაოდენობის გამოწერაში შეზღუდულები არ ხართ, შეგიძლიათ გამოიწეროთ როგორც დეტექტივი, ისე ისტორიული, საბავშვო, დოკუმენტური თუ სხვა ჟანრის წიგნები. გამოწერის ფასი 5 ლარიდან იწყება. გამოწერის გააქტიურების შემდეგ თანხა ყოველთვიურად ჩამოგეჭრებათ და შეკვეთილ სერიას კურიერი სასურველ მისამართზე მოგიტანთ. შერჩეული სერიის ის წიგნები კი, რომლების გამოცემაზეც „პალიტრა L“ ჯერ კიდევ მუშაობს, გამოსვლისთანავე გადმოგეცემათ. ამასთან, გამომწერებს წინასწარ შეეძლებათ წიგნები გამოცემამდე დაარეზერვონ.
ამ დროისთვის „პალიტრა L“ 10 სერიის წიგნებს გთავაზობთ:
- „გახდი ბესტსელერის ავტორის“ გამარჯვებულთა წიგნები;
- მინი წიგნების კოლექცია, რომლებიც კითხვის მოყვარულთათვის საკმაოდ პრაქტიკულია;
- „ადამიანი და ასტროლოგია“ - ასტროლოგის მიერ შედგენილი წიგნები, საიდანაც მიიღებთ საინტერესო ინფორმაციას პლანეტებისა და თქვენი ზოდიაქოს ნიშნის კავშირებზე და სხვა;
- ადაპტირებული კლასიკა - მაინ რიდის „უთავო მხედარი“, ჯეინ ოსტინის „სიამაყე და ცრურწმენა“, ჯორჯ ორუელის „აივენჰო“ და სხვა;
- ილია ჭავჭავაძის 4-ტომეული;
- ვაჟა-ფშაველას 4-ტომეული;
- აგატა კრისტი;
- იკითხე ქართული - ჯემალ ქარჩხაძის „ზებულონი“, ოტია იოსელიანი - „იყო ერთი ქალი“, დათო ტურაშვილი - გურჯი-ხათუნი და სხვა მოთხრობები“ და სხვა;
- „ომსა და ადამიანებზე“ - კრის კაილის „ამერიკელი სნაიპერი“, თომას კენილის „შინდლერის სია“, მარკუს ზუზაკის „წიგნის ქურდი“ და სხვა;
- მერი პოპინსი.
სასურველი სერიების შესარჩევად დააჭირეთ აქ.
გამომცემლობებისგან წიგნების გამოწერის სერვისი ხარჯეფექტურობის გამო დიდი პოპულარობით სარგებლობს მსოფლიოს სხვადასხვა ქვეყანაში. მათ შორის ყველაზე პოპულარული სერვისებია Book of the Month, რომელიც ერთი წლის განმავლობაში წიგნების თითქმის 40%-იანი ფასდაკლებით გამოწერის საშუალებას იძლევა; The Book Drop - ბავშვებისა და მოზარდებისთვის; Page 1 Books, რომელიც გამოირჩევა თავისი სასაჩუქრე შეფუთვებით და სხვა.
როგორც გამომწერთა უმრავლესობა აღნიშნავს, გარდა ხელმისაწვდომი ფასისა, მათთვის საინტერესოა წიგნების მიღების ის ფორმა, რასაც გამომცემლობები სთავაზობენ. უფრო კონკრეტულად კი შეფუთვის გახსნა და სიახლის აღმოჩენა მათ სიამოვნებას ჰგვრით და სურვილს უჩენთ, უფრო და უფრო მეტი წიგნი აღმოაჩინონ, რაც თავის მხრივ კითხვის წახალისებას უწყობს ხელს.
R