უკრაინელმა სამხედროებმა დონბასში რუსული ძალების 6 შეტევა მოიგერიეს

უკრაინის გაერთიანებული ძალების სამხედრო მოსამსახურეებმა, გასული დღის განმავლობაში, რუსი ოკუპანტების ექვსი შეტევა მოიგერიეს, - ამის შესახებ ინფორმაციას გაერთიანებული ძალების ოპერაციის შტაბი ავრცელებს.

მათივე ცნობით, დონეცკისა და ლუგანსკის მიმართულებით უკრაინელი დამცველები მოწინააღმდეგის განადგურებას აგრძელებენ.

„გაერთიანებული ძალების სამხედროებმა წარმატებით მოიგერიეს მტრის 6 შეტევა და მნიშვნელოვანი ზარალი მიაყენეს რუს ოკუპანტებს“, - ნათქვამია ინფორმაციაში.

მათი ცნობით, 14 აპრილს, უკრაინელმა სამხედროებმა რუსების 4 ტანკი, 6 ჯავშანტრანსპორტიორი, 4 ქვეითთა საბრძოლო მანქანა და ერთი საარტილერიო სისტემა გაანადგურეს.