ავტორი:

პირველი კადრები ქართული დელეგაციის ბუჩასა და ირპენში ჩასვლის შემდეგ - რას წერს რადას თავმჯდომარე რუსლან სტეფანჩუკი?

პირველი კადრები ქართული დელეგაციის ბუჩასა და ირპენში ჩასვლის შემდეგ - რას წერს რადას თავმჯდომარე რუსლან სტეფანჩუკი?

საქართველოს პარლამენტის დელეგაცია, შალვა პაპუაშვილის ხელმძღვანელობით იპრენსა და ბუჩაში იმყოფებოდა. ადგილზე გადაღებულ ფოტოებს სოციალურ ქსელში რადას თავმჯდომარე რუსლან სტეფანჩუკი ავრცელებს.

"საქართველო არ დაეხმარება რუსეთს. ასეთი დასკვნა დადო პარლამენტის თავმჯდომარემ, როდესაც ბუჩა და ირპენი საკუთარი თვალით ნახა. კიევის რეგიონის ქალაქების მსხვერპლთა საზარელმა ისტორიებმა გულგრილი არავინ დატოვა. აი, თითქოს სარკეში ჩანს რუსული ჯარის ნამდვილი სახე" - წერს სტეფანჩუკი "ფეისბუქზე".

როგორც საქართველოს პარლამენტის თავმჯდომარემ აღნიშნა, ნანახის სიტყვებით გადმოცემა შეუძლებელია. პაპუაშვილის თქმით, რუსეთმა უნდა დაასრულოს ეს ომი, პატივი სცეს უკრაინის ერთიანობას და ტერიტორიულ მთლიანობას.

"სიტყვებით გადმოცემა შეუძლებელია იმ სურათის, რომელიც ვიხილეთ ბუჩაში, ირპენში, ბოროდიანკაში, კრამატორსკიში, მთელმა მსოფლიომ იცის ამ სისასტიკის შესახებ, რუსეთმა უნდა დაასრულოს ეს ომი, პატივი სცეს უკრაინის ერთიანობას და ტერიტორიულ მთლიანობას

მის საერთაშორისოდ აღიარებულ საზღვრებში, პატივი სცეს უკრაინელებს არჩევანს.

ბუჩას მსგავსი ისტორიები საქართველოსაც ახსოვს 90-იან წლების ომსა და 2008 წლის ომში, ჩვენი ქალაქებიც დაიბომბა, ამიტომ ჩვენ ეს ყველაფერი ძალიან კარგად გვესმის“, - განაცხდა პაპუაშვილმა.