"იმ დროს, როდესაც სანთებელის ანთებას და ცეცხლის წაკიდებას ცდილობდა, კაცმა გაქცევა მოახერხა" - რუსთავში ქალმა ყოფილ ქმარს ბენზინი გადაასხა

რუსთავში ყოფილმა ცოლმა ქმარს ბენზინი გადაასხა. ამის შესახებ ინფორმაციას "ინფო რუსთავი" ავრცელებს. მათი ინფორმაციით, 40 წლამდე ქალმა რუსთავის მე-12 მიკრორაიონში ბენზინი შეიძინა და ყოფილ ქმარზე შურისძიება გადაწყვიტა. მან მამაკაცს დაურეკა და შეხვედრა დაუნიშნა, ადგილზე მისულს კი მცირე კამათის შემდეგ, ბენზინი გადაასხა. "იმ დროს, როდესაც ქალი სანთებელის ანთებას და ცეცხლის წაკიდებას ცდილობდა, კაცმა გაქცევა მოახერხა. ამის შემდეგ ქალმა ყოფილი ქმრის მსუბუქი ავტომობილი ქვებით დააზიანა. გაქცეულმა მამაკაცმა 112-ში დარეკა და ფაქტის შესახებ პოლიციას აცნობა, რის შემდეგაც სამართალდამცავებმა ქალი შემთხვევის ადგილზე დააკავეს", - ვკითხულობ ვებპორტალზე.

"ინფო რუსთავის" ცნობით, მომხდარზე გამოძიება სსკ-ის 157-ე და 187-ე მუხლებით დაიწყო.