"ვინც რუსეთის დროშას აფრიალებს, არ უნდა მიეცეს თამაშის უფლება" - რუსი და ბელარუსი ჩოგბურთელები "უიმბლდონზე" ასპარეზობას მხოლოდ ერთი პირობით შეძლებენ

რუს და ბელარუს ჩოგბურთელებს, რუსი სამხედროების უკრაინაში შეჭრის გამო, "უიმბლდონის" ტურნირში მონაწილეობა აეკრძალათ. სანქცია სხვა ჩოგბურთელებთან ერთად, შეეხოთ კაცებს შორის მსოფლიო რეიტინგის მეორე ადგილოსან რუს ჩოგბურთელ დანილ მედვედევს და ქალებს შორის რეიტინგში მეოთხე ადგილოსან, ბელარუს ალინა საბალენკასაც.

მათ ჩემპიონატზე მხოლოდ იმ შემთხვევაში დაუშვებენ, თუ რუსეთის ეროვნული დროშის ქვეშ არ გამოვლენ.

"უიმბლდონი" 27 ივნისს დაიწყება და 10 ივლისს დასრულდება. მედვედევი და საბალენკა ყველაზე წარმატებული მოთამაშეები არიან, რომლებიც ამ აკრძალვით დაზარალდნენ.

როგორც BBC-ი წერს, ტურნირის დაწყებამდე კვლავ გაიმართება კონსულტაციები იმასთან დაკავშირებით, უნდა მისცემოდათ თუ არა ამ ორი ქვეყნის წარმომადგენელ მოთამაშეებს საერთოდ ასპარეზობის უფლება.

"ვინც რუსეთის დროშას აფრიალებს, არ უნდა მიეცეს უიმბლდონზე თამაშის უფლება", - აცხადებს ბრიტანეთის სპორტის მინისტრი ნაიჯელ ჰადლსტონი.

ოლგა სავჩუკმა, რომელიც გასულ კვირას "ბილი ჯინ კინგის თასის" მატჩში უკრაინის გუნდის კაპიტანი იყო, თქვა, რომ რუს ფეხბურთელებს უნდა აეკრძალოთ ასპარეზობა: "არ შეიძლება ეს სანქცია რუსების მხოლოდ 90%-ს შეეხოს და დანარჩენ 10-ს არა. ეს კოლექტიური სირცხვილი უნდა იყოს", განუცხადა სავჩუკმა New York Times-ს.

წყარო: bbc

მოამზადა: ანა სიბოშვილმა