რუსეთმა Google-ი "სიყალბეების გავრცელების" გამო 4 მილიონი რუბლით დააჯარიმა
რუსეთმა Google 4 მილიონი რუბლით (დაახლოებით $50,000) დააჯარიმა, რადგან უკრაინის ომის შესახებ "ყალბი" ინფორმაცია არ წაშალა. ინფორმაციას "როიტერსი“ რუსულ საინფორმაციო სააგენტო "ტასზე“ დაყრდნობით ავრცელებს.
მათივე ცნობით, რუსეთის სახელმწიფო კომუნიკაციების მარეგულირებელმა კომპანიამ "როსკომნადზორმა“ აპრილის დასაწყისში განაცხადა, რომ ის YouTube-ზე სიყალბეების გავრცელებისთვის Google-ის დასასჯელად ზომებს იღებდა. რუსეთის მარგულირებელმა ამერიკული კომპანია გააფრთხილა, რომ დაჯარიმდებოდა, თუ იგი "როსკომნადზორის“ მოთხოვნას არ დაემორჩილებოდა.