ავტორი:

5 მიზეზი, რატომ არის საუზმე დღის ყველაზე მნიშვნელოვანი კვება

5 მიზეზი, რატომ არის საუზმე დღის ყველაზე მნიშვნელოვანი კვება

2021 წლის ივლისში, ოჰაიოს უნივერსიტეტმა ჩაატარა კვლევა, რომლის შედეგების მიხედვითაც, ზრდასრულთა 15.2% არ საუზმობს, რაც არასწორი საქციელია. ემილ გიდაიატლი, Herbalife Nutrition-ის სწორი კვების ექსპერტი, საუბრობს ხუთ მიზეზზე, თუ რატომ არის საუზმე დღის ყველაზე მნიშვნელოვანი კვება.

1. საუზმე ჯანსაღი კვების ნაწილია

ჯანსაღი კვება, პირველ რიგში, ჩვენი რაციონის დაბალანსებაა. ის აუცილებლად უნდა შეიცავდეს სასარგებლო საკვებ ნივთიერებებს, რომელიც ორ დიდ ჯგუფადაა დაყოფილი: მაკრონუტრიენტები (ცილები, ცხიმები და ნახშირწყლები) და მიკრონუტრიენტები, ანუ ვიტამინები და მინერალები. იმისათვის, რომ ჩვენი ორგანიზმი მთელი დღის განმავლობაში ნორმალურად ფუნქციონირებდეს და თავიდან ავირიდოთ არაჯანსაღი ულუფები, სპეციალისტები გვირჩევენ, დილის საუზმეს სრული კვების დაახლოებით 25% დავუთმოთ.

2. საუზმის შედეგად, ორგანიზმი ენერგიით ივსება

დაბალანსებული კვების რაციონში, საუზმე მთავარი კვებაა. სწორედ საუზმით ვიღებთ სასარგებლო ნივთიერებებს, რაც საშუალებას გვაძლევს, შევინარჩუნოთ მიკრო და მაკრო ნუტრიენტების ბალანსი მთელი დღის განმავლობაში. დილის კვებაში აუცილებლად შეიტანეთ ჯანსაღი ცხიმები (ომეგა 3 ცხიმოვანი მჟავები), კომპლექსური ნახშირწყლები (მარცვლეულის პური), ცილოვანი საკვები (ფრინველის, ან კურდღლის ხორცი) და ბოჭკოვანი (ბოსტნეული, ან ხილი).

3. საუზმე ხელს უწყობს სისხლში შაქრის დონის ნორმალიზებას

უნდა გვახსოვდეს, რომ ძილში ორგანიზმი აქტიურად მუშაობს, აგრძელებს ენერგიის ხარჯვას უჯრედების აღდგენაზე. ამიტომ, გამთენიისას, სისხლში გლუკოზის დონე იკლებს. თუ რაიმე მიზეზით, დილით არ ისაუზმებთ, მაშინ, დღის პირველ ნახევარში სისხლში შაქრის დონე დაბალი იქნება, რაც გამოიწვევს ენერგიის ნაკლებობას, და ასევე ტვინისა და, ზოგადად, ორგანიზმის აქტივობის დაქვეითებას.

4. საუზმე ხელს უწყობს გულის ჯანმრთელობის შენარჩუნებას

გულ-სისხლძარღვთა სისტემა ორგანიზმს ჟანგბადით ამარაგებს და ამ სისტემის გამართული ფუნქციონირების შენარჩუნება ძალიან მნიშვნელოვანია. ამისათვის კი კვების რაციონში ომეგა 3, გაჯერებული ცხიმები და ცილები უნდა შეიტანოთ. ყველა ეს ნივთიერება ხელს უწყობს სისხლძარღვების კედლების შენარჩუნებას.

სხვათა შორის, ადამიანები, რომლებიც არ საუზმობენ, უფრო ხშირად იმატებენ წონაში.

5. საუზმე ასტიმულირებს ტვინის მუშაობას

ე.წ. სასიგნალო პროტეინები (ნეიროპეპტიდები) ჩვენი ცენტრალური ნერვული სისტემის უჯრედებში არაერთ მნიშვნელოვან პროცესს არეგულირებს. მათი ჯანსაღი ფუნქციონირებისთვის კი გლუკოზა აუცილებელია. გლუკოზის გარდა, ჩვენს ცენტრალურ ნერვულ სისტემას სჭირდება ცხიმოვანი მჟავებიც. ასე რომ, ძალიან მნიშვნელოვანია, საუზმე ომეგა 3-ის შემცველი პროდუქტით იყოს გაჯერებული, როგორიცაა, მაგალითად, თხილეული ან თევზი.

საუზმე ამარაგებს ჩვენს ორგანიზმს საჭირო ცილებით, ჯანსაღი ნახშირწყლებით, ვიტამინებით, მინერალებით, ბოჭკოებით, ეხმარება ორგანიზმის წყლის ბალანსის შევსებასა და დაბალანსებული კვების ფორმირებაში. მაგრამ, თუ მომზადებისთვის დრო არ გაქვთ, Herbalife Nutrition-ის დაბალანსებული საუზმე კარგი გამოსავალია. ის შეიცავს მხოლოდ 217 კკალს (მათ შორის 1,5%-იანი რძე) და მის მომზადებას მხოლოდ სამი წუთი სჭირდება. ულუფის მთავარი შემადგენელი ნაწილია ფორმულა 1 პროტეინის შეიკი. ეს Herbalife Nutrition-ის ლიდერი პროდუქტია და ხუთი სხვადასხვა არომატი აქვს - ვანილის, შოკოლადის, მარწყვის, ტროპიკული ხილისა და შოკოლადის ორცხობილის. ამ კოქტეილს ძალიან უხდება გამამხნევებელი მცენარეული სასმელი, ჩაისა და ყავის ჯანსაღი შემცვლელი. ასევე, ალოეს მცენარეული სასმელი, რომელიც ხელს უწყობს საჭმლის მომნელებელი სისტემის ბუნებრივ ფუნქციონირებას და ასტიმულირებს საჭმლის მონელების პროცესს.

R