ანდრეი ერმაკი: "მარიუპოლისთვის ბრძოლა არ დამთავრებულა"
ამჟამად მარიუპოლი უკრაინის რუკაზე ყველაზე ტრაგიკულ და დაძაბულ პუნქტად რჩება, - ამის შესახებ უკრაინის პრეზიდენტის ოფისის ხელმძღვანელმა ანდრეი ერმაკმა ფრანგულ ტელეარხ TF1-ს განუცხადა.
ერმაკის თქმით, ინფორმაცია რუსული ძალების მიერ მარიუპოლის დაკავების შესახებ, სიმართლეს არ შეესაბამება.
"ამჟამად მარიუპოლი უკრაინის რუკაზე ყველაზე ტრაგიკულ და დაძაბულ პუნქტად რჩება. სწორედ იქ მიმდინარეობს სასტიკი ბრძოლები. რაც შეეხება ინფორმაციას იმის შესახებ, რომ რუსებმა ქალაქი დაიკავეს, არა, ეს სიმართლეს არ შეესაბამება. დიახ, ისინი ქალაქში არიან, მაგრამ ტერიტორია, სადაც უკრაინელი გმირები დგანან, ჩვენი ჯარისკაცების კონტროლის ქვეშ რჩება. ისინი იქ, მშვიდობიან მოსახლეობასთან ერთად არიან, იქ ბავშვებიც არიან. მარიუპოლისთვის ბრძოლა არ მთავრდება. ეს არის უკრაინული ქალაქი და ყოველთვის ასე იქნება“, - განაცხადა ერმაკმა.
იხილეთ ასევე: