ავტორი:

"რუსული გაზის ოთხმა ევროპელმა მყიდველმა მისი ფასი რუბლში გადაიხადა" - რას წერს Bloomberg-ი?

"რუსული გაზის ოთხმა ევროპელმა მყიდველმა მისი ფასი რუბლში გადაიხადა" - რას წერს Bloomberg-ი?

"რუსული გაზის ოთხმა ევროპელმა მყიდველმა მისი საფასური რუბლებში უკვე გადაიხადა, ისე, როგორც ამას რუსეთის პრეზიდენტი ვლადიმერ პუტინი ითხოვდა", - ამის შესახებ გამოცემა "ბლუმბერგი" რუსული გაზის გიგანტ კომპანია "გაზპრომთან“ დაახლოებულ პირზე დაყრდნობით წერს.

ამ ეტაპზე, მედიისთვის უცნობია, კონკრეტულად რომელმა მყიდველებმა გადაიხადეს გაზის ფასი რუსულ ვალუტაში.

ანონიმური პირის ინფორმაციითვე, რუსული გაზის 10-მა მყიდველმა უკვე გახსნა ანგარიში რუბლში.

"გაზპრომთან" დაახლოებული პირი ამბობს, რომ პოლონეთისა და ბულგარეთისთვის გაზის შეწყვეტის შემდეგ, მაისის შუა რიცხვებამდე მოსალოდნელი არ არის, რომ სხვა ქვეყნებსაც შეუწყვიტოს რუსეთმა ბუნებრივი აირის მიწოდება.

მაისის მეორე ნახევარი კი ის პერიოდია, როცა გადახდის ახალი ეტაპი დგება და მოსალოდნელია, რომ ბულგარეთსა და პოლონეთს სხვა ევროპული ქვეყნები სწორედ ამ პერიოდიდან შეუერთდნენ და სხვა ქვეყნებიც ვიხილოთ რუსული გაზის გარეშე.

ცნობისთვის, პოლონეთსა და ბულგარეთს "გაზპრომმა" გაზის მიწოდება მას შემდეგ შეუწყვიტა, რაც მათ უარი თქვეს გაზის საფასურის რუბლით გადახდაზე.

რუსეთი გაზს აწვდის 23 ევროპულ ქვეყანას.

წყარო: bloomberg.com