აჩიკო მეფარიძეს ძალადობის მუხლით ბრალი წარედგინა - ქალბატონი ჰყვება, რომ მომღერალმა მანქანის გადასწრების გამო, ფიზიკური შეურაცხყოფა მიაყენა
მომღერალ აჩიკო მეფარიძეს ძალადობის მუხლით ბრალი უკვე წარუდგინეს. ინფორმაცია AMBEBI.GE-ს შინაგან საქმეთა სამინისტროს პრესსამსახურში დაუდასტურეს.
"მეფარიძეს ბრალი სისხლის სამართლის კოდექსის 126-ე, ძალადობის მუხლით წარედგინა" - აცხადებენ უწყებაში.
ცნობისთვის, საქმე ეხება 7 აპრილს, ვაკეში მომხდარ ფაქტს. მომღერალს ძალადობაში ქალბატონი ადანაშაულებს, რომელიც ტელეკომპანია "რუსთავი 2"-თან საუბარში ჰყვება, რომ მანქანის გადასწრების გამო მეფარიძემ მას სიტყვიერი და ფიზიკური შეურაცხყოფა მიაყენა.
მისი თქმით, მეფარიძემ ჯერ მანქანას წიხლი დაარტყა, შემდეგ კარი გააღო და მას თავს დაესხა.