ავტორი:

ვის უმღერის სოსო პავლიაშვილი, შვილთან ერთად, კურსკში? - მომღერლის ტურნე ოკუპანტების გასამხნევებლად

ვის უმღერის სოსო პავლიაშვილი, შვილთან ერთად, კურსკში? - მომღერლის ტურნე ოკუპანტების გასამხნევებლად

რუსეთში მცხოვრები ქართული წარმოშობის მომღერალი სოსო პავლიაშვილი "ინსტაგრამის" საკუთარ გვერდზე კონცერტის ვიდეოჩანაწერს აქვეყნებს და წერს:

"მეორე დღე კურსკში. მადლობა ღმერთს, ლტოლვილებმა გაიღიმეს...“

დიახ, არ მოგეჩვენათ, ის, როგორ ირკვევა, მეორე დღეა, რაც კურსკის რეგიონის მცხოვრებლების, დონბასისა და უკრაინის ქალაქებიდან ლტოლვილი, უმეტეს შემეთხვევაში რუსეთის მხარეს ძალით გადაყვანილი ადამიანებისთვის და რუსი სამხედროებისთვის კონცერტებს მართავს.

სოსო პავლიაშვილი ტურნეში შვილთან - ლევანთან ერთად იმყოფება. მამა-შვილი სცენიდან ოკუპანტების გამხნევებას ერთად ცდილობს.

როგორც რუსული მედიიდან გავარკვიეთ, პავლიაშვილი უკვე სტუმრობდა ორელს, ბელგოროდს, ბრიანსკს. ორ დღეში კურსკში მიმდინარე კონცერტებს 1500-ზე მეტი ადამიანი დაესწრო. სოსო პავლიაშვილის პარალელურად რუს სამხედროებს უმღერის კიდევ ერთი ქართული წარმოშობის მომღერალი გრეგორი ლეპსიც, უფრო მეტი, ლეპსმა საავადმყოფოებში დაჭრილი რუსი ჯარისკაცებიც მოინახულა. სავარაუდოდ, პავლიაშვილის "გულის ამაჩუყებელი“ ტურნეც დაჭრილი რუსი ჯარისკაცების მონახულებით დასრულდება.