"კელი დეგნანზე "ოცნების“ პროპაგანდისტების თავდასხმა საგანგაშოა" - გიორგი ვაშაძე
"სტრატეგია აღმაშენებლის” თავმჯდომარე გიორგი ვაშაძე ამერიკის შეერთებული შტატების ელჩს კელი დეგნანს მხარდაჭერას უცხადებს და "ოცნების“ პროპაგანდისტების "თავდასხმას საგანგაშოს“ უწოდებს, - ამის შესახებ პარტია "სტრატეგია აღმაშენებლის“ მიერ გავრცელებულ ინფორმაციაშია აღნიშნული.
როგორც ვაშაძემ გია გაჩეჩილაძის ("უცნობის“) მიერ კელი დეგნანის მიმართ გაკეთებული განცხადების შეფასებისას აღნიშნა, მისი პარტია ელჩის ერთიანობის პათოსს იზიარებს.
"საგანგაშოა “ქართული ოცნების” მთავარი მედია პროპაგანდისტების მხრიდან ამერიკის ელჩზე პროპაგანდისტული თავდასხმა ანტიდასავლური რიტორიკისთვის დამახასიათებელი ხერხების გამოყენებით. ელჩი დეგნანი გამორჩეულია საქართველოს და ქართველი ერის განსაკუთრებული თანადგომით. სრულად ვიზიარებთ ელჩის პათოსს ერთიანობასთან დაკავშირებით, რადგან სწორედ ეროვნული თანხმობა დეოკუპაციის, ევროინტეგრაციისა და რუსული აგრესიისაგან თავდაცვის საკითხეზე არის ის, რაც დღეს საქართველოს სჭირდება და არა გაუთავებელი ტალახის სროლა, კინკლაობა და მოსახლეობის დაშინება რასაც “ქართული ოცნება” და მისი აგიტატორ პროპაგანდისტები გვთავაზობენ. სრული მხარდაჭერა და თანადგომა კელი დეგნანს!” - განაცხადა გიორგი ვაშაძემ.
მუსიკოსმა გია გაჩეჩილაძემ კელი დეგნანს 2 დღის წინ მიმართა.
"მინდა შეკითხვა დავუსვა ქალბატონ კელი დეგნანს - მომხრეა თუ არა ის საქართველოში მეორე ფრონტის, მომხრეა თუ არა სააკაშვილის გამოშვების და მომხრეა თუ არა რიგგარეშე არჩევნების“, - განაცხადა გია გაჩეჩილაძემ "იმედი LIVE”- ში განაცხადა.
მისი თქმით, ამ კამპანიის ერთ-ერთი შემადგენელი ნაწილი სახალხო დამცველიც არის - "კი ბატონო, ეს მთლიანი დიდი კამპანიაა, რომელიც ისახავს, თვითონ თქვა, ამ ქვეყანაში რყევებს და უბედურებებს“.
ასევე იხილეთ: