"არ ვიცოდი ამ ადგილის მნიშვნელობის შესახებ.. ხის ძირას ვილოცე" - რუსი ინფლუენსერი კუნძულ ბალიზე "წმინდა ხესთან" გაშიშვლების გამო შესაძლოა დააპატიმრონ

"ინსტაგრამის" რუსმა ინფლუენსერმა, ალინა იოგამ, თავის გვერდზე ატვირთა ფოტო, სადაც ის შიშველი პოზირებდა კუნძულ ბალიზე, "წმინდა ხესთან."

მისი თამამი ფოტოები მალევე შეამჩნიეს ინდონეზიელებმა და ადგილობრივმა მეწარმემ, ნილუჰ ჯელანტიკმა ხელისუფლებას ჩარევისკენ მოუწოდა.

ჯელანტიკმა თქვა, რომ რუსი გოგონა 700 წლის ევკალიპტის ხესთან პოზირებდა, რომელსაც ადგილობრივები "კაიუ პუტიჰის" სახელით იცნობენ და წმინდა ხედ ითვლება.

700 წლის ხე ბაბაკანის სამლოცველოშია, ინდონეზიის სამოთხის კუნძულ ბალიზე. ადგილობრივებისთვის ეს გიგანტური ხე წმინდად ითვლება და ამიტომ, გამოიწვია ხალხის მრისხანება.

გამოხმაურების ფონზე, ალინამ წაშალა შიშველი ფოტოები და 4 მაისს ვიდეოც გამოაქვეყნა, სადაც ის ბოდიშს იხდიდა. ახალი ვიდეო, სადაც უკვე ჩაცმულია, ინფლუენსერი ბოდიშს იხდის:

"ბოდიშს ვუხდი ინდონეზიელ ხალხს. ძალიან ვნანობ ჩემს საქციელს. მრცხვენია და არც კი მიფიქრია, რომ ხალხი გაღიზიანდებოდა. არ ვიცოდი ამ ადგილის მნიშვნელობის შესახებ. ხის ძირას ვილოცე და პირდაპირ პოლიციაში წავედი, რომ სიტუაცია ამეხსნა და ბოდიში მომეხადა".

ადგილობრივმა პოლიციამ განაცხადა, რომ ქალი თავისი ფეხით მივიდა განყოფილებაში და მის საქმეს დეტალურად გამოიძიებენ. ალინას თუ პორნოგრაფიის გავრცელებაში წაუყენეს ბრალი და დანაშაული დაუმტკიცდა, მას 6 წლამდე თავისუფლების აღკვეთა ან 55 000 ფუნტის ოდენობის ჯარიმა ემუქრება.

წყარო: thesun

მოამზადა: ანა სიბოშვილმა