ავტორი:

ბიზნესმენი, უმაღლესი რადას ყოფილი დეპუტატი - ვინ იყო დავით ჟვანია, რომელიც უკრაინაში დაბომბვისას დაიღუპა

ბიზნესმენი, უმაღლესი რადას ყოფილი დეპუტატი - ვინ იყო დავით ჟვანია, რომელიც უკრაინაში დაბომბვისას დაიღუპა

უკრაინის შინაგან საქმეთა სამინისტროს მრჩეველის, ანტონ გერაშენკოს მიერ "ტელეგრამში“ გავრცელებული ინფორმაციით, რადას ყოფილი დეპუტატი დავით ჟვანია უკრაინაში, "ნაცრისფერ ზონაში“ დაბომბვისას დაიღუპა. ამის შესახებ ინფორმაციას უკრაინული მედია ავრცელებს.

მედიის ცნობით, ჟვანია ზაპოროჟიეს რეგიონში, სოფელ ნოვოპოკროვკასთან, რუსი ოკუპანტების საგუშაგოსთან საარტილერიო სროლას ემსხვერპლა.

  • ვინ იყო დავით ჟვანია?

ცნობილი ბიზნესმენი და პოლიტიკოსი დავით ჟვანია თავისი ბიოგრაფიის გამო, ხშირად გამხდარა ჟურნალისტების ინტერესის ობიექტი.

იგი 1967 წლის 20 ივნისს თბილისში დაიბადა. დაამთავრა N61 საშუალო სკოლა. შემდეგ კი – თბილისის სახელმწიფო უნივერსიტეტი. სახალხო მეურნეობის დაგეგმვის სპეციალობით, ეკონომისტის კვალიფიკაციით.

მსახურობდა საბჭოთა ჯარში. უკრაინაში საცხოვრებლად 1991 წელს გადავიდა, სადაც ერთ-ერთ ადგილობრივ კომპანიაში - "სავაჭრო სახლი", მენეჯერად დაიწყო მუშაობა. სწრაფად მიიწევდა თურმე კარიერულ კიბეზე და ჯერ ამავე კომპანიის ფინანსური დირექტორი გახდა, შემდეგ კი სხვა კომპანიის, "ბრინკფორდ კონს ლიმიტედის" პრეზიდენტი.

დავით ჟვანიას, როგორც პოლიტიკოსის კარიერა კი 2002 წლიდან იწყება. უკრაინის უმაღლეს რადაში ის ბლოკ "ნაშა უკრაინას" სიით მოხვდა. იყო უკრაინის ყოფილი პრეზიდენტის, ვიქტორ იუშენკოს საარჩევნო შტაბის ერთ-ერთი ხელმძღვანელი.

დეპუტატის რანგში დავით ჟვანიამ ორგანიზებულ დანაშაულთან და კორუფციასთან ბრძოლის კომიტეტი ჩაიბარა. 2005-ში კი იულია ტიმოშენკოს მთავრობაში საგანგებო სიტუაციების მინისტრის თანამდებობაზე მუშაობდა.

ასევე იხილეთ: