ავტორი:

"ღრმად დარწმუნებული ვარ, რომ კონსენსუსს მივაღწევთ" - ენტონი ბლინკენი ფინეთისა და შვედეთის ნატო-ში გაწევრიანებაზე

"ღრმად დარწმუნებული ვარ, რომ კონსენსუსს მივაღწევთ" - ენტონი ბლინკენი ფინეთისა და შვედეთის ნატო-ში გაწევრიანებაზე

აშშ-ის სახელმწიფო მდივნის, ენტონი ბლინკენის განცხადებით, ბერლინში ნატო-ს წევრი ქვეყნების საგარეო საქმეთა მინისტრების შეხვედრის დროს ფინეთისა და შვედეთის ნატოში გაწევრიანების მიმართ "თითქმის საყოველთაო ძალიან მტკიცე მხარდაჭერა" მოისმინა.

"აშშ მტკიცედ დაუჭერს მხარს როგორც შვედეთის ასევე ფინეთის ნატო-ში გაწევრიანების განაცხადს, თუ ისინი გადაწყვეტენ ოფიციალურად მიმართონ ალიანსს“, - აღნიშნა ბლინკენმა ბერლინში, ნატო-ს საგარეო საქმეთა მინისტრების არაფორმალური შეხვედრის შემდეგ გამართულ პრესკონფერენციაზე.

"ღრმად დარწმუნებული ვარ, რომ კონსენსუსს მივაღწევთ”, - განაცხადა ბლინკენმა.

ამასთან, მისი თქმით, შეერთებული შტატები უკრაინის დედაქალაქ კიევში საელჩოს უახლოეს მომავალში ხელახლა გახსნის.