ავტობანზე მომხდარ ავარიას, რომლის შედეგადაც ორ ავტომანქანას ცეცხლი გაუჩნდა, მსხვერპლი მოჰყვა, არიან დაშავებულებიც

ავტობანის გორის მონაკვეთზე მომხდარი ავარიის შედეგად ერთი ადამიანი გარდაიცვალა და 5 დაშავდა. დაშავებულები სხეულის სხვადასხვა სიმძიმის დაზიანებებით სასწრაფო დახმარების ჯგუფებმა გორისა და ქარელის საავადმყოფოებში გადაიყვანეს.

დაშავებულთა შორის ერთი ქვეითია, ოთხი კი ავტომანქანების მგზავრია.

შემთხვევა ცენტრალური საავტომობილო მაგისტრალის გორი-ქარელის მონაკვეთზე ცოტა ხნის წინ მოხდა.

შეჯახების შედეგად ორ ავტომანქანას ცეცხლი გაუჩნდა.

იხილეთ ასევე:

• როგორია ავტობანზე მომხდარი ავტოსაგზაო შემთხვევის შედეგად დაშავებულების მდგომარეობა