ქუთაისში თავდაცვის სამინისტროს მე-3 ქვეითი ბრიგადის თანამშრომელს ეძებენ

ქუთაისში 37 წლის მამაკაცს ეძებენ. ოჯახის ინფორმაციით, დათო ნოზაძე სახლიდან 23 მაისს, 06:00 საათზე გავიდა და მას შემდეგ არ გამოჩენილა.

გაუჩინარებული მამაკაცი თავდაცვის სამინისტროს მესამე ქვეითი ბრიგადის თანამშრომელია, ის კავშირგაბმულობის განყოფილებაში მუშაობს.

“23 მაისის დილის 06:00 საათზე სახლიდან გავიდა დათო ნოზაძე ბოლო კონტაქტი ფიქსირდება ქუთაისში მდებარე "მაგნიტის“ კამერებში და სავარაუდოდ, აღმოსავლეთ საქართველოს მიმართულებით გააგრძელა მოძრაობა”, - წერია ახლობლების მიერ გავრცელებულ განცხადებაში.

დაწყებულია სპეციალური საგამოძიებო მოქმედებები. ამოცნობის შემთხვევაში დარეკეთ ნომერზე: 598444650.