ავტორი:

"გლოვობენ პოლონეთში მყოფი ქართველები... საოცარი ადამიანი იყო, ყველას პატრონობდა" - პოლონეთში ავარიას აფხაზეთიდან დევნილი 27 წლის ლაშა კალანდია ემსხვერპლა

"გლოვობენ პოლონეთში მყოფი ქართველები... საოცარი ადამიანი იყო, ყველას პატრონობდა" - პოლონეთში ავარიას აფხაზეთიდან დევნილი 27 წლის ლაშა კალანდია ემსხვერპლა

პოლონეთში ავტოსაგზაო შემთხვევას აფხაზეთიდან დევნილი 27 წლის ლაშა კალანდია ემსხვერპლა. გარდაცვლილი ბიჭის ახლობლების თქმით, ტრაგიკული შემთხვევა გუშინ მოხდა. პოლონეთში მცხოვრები ნინო ყალიჩავა, რომელიც ლაშა კალანდიას მეზობელი და მეგობარი იყო, ამბობს, რომ ავარიის შედეგად ლაშასთან ერთად კიდევ ორი უკრაინელი ახალგაზრდა დაიღუპა.

"ისეთი ადამიანი იყო, კარგიც ცოტაა, რომ თქვა, საოცარი პიროვნება იყო. ყველას პატრონობდა და ეხმარებოდა. პოლონეთში მცხოვრები ქართველები გლოვობენ, ვისაც კი ერთხელ მაინც უნახავს. დაოჯახებული არ იყო. ერთი და ჰყავს და მშობლები, რომლებიც ახლა პოლონეთში იყვნენ. ავარია წუხელ მოხდა. ავტომობილში სამნი ისხდნენ, თვითონ და ორი უკრაინელი. საჭეს თვითონ არ მართავდა. ავტომობილი ბოძს შეასკდა და სამივე მათგანი ადგილზე დაიღუპა." - ამბობს ambebi.ge -სთან ნინო ყალიჩავა.