ნასა წყალქვეშა ვულკანის ამოფრქვევის უნიკალურ კადრებს ავრცელებს - რა ჩანს თანამგზავრიდან გადაღებულ ფოტოებზე

ნასამ წყალქვეშა ვულკანის ამოფრქვევის ამსახველი, თანამგზავრიდან გადაღებული ფოტოები გამოაქვეყნა. კადრები14 მაისსაა გადაღებული და წყალქვეშა ვულკანის ამოფრქვევის შედეგად ფერშეცვლილ წყალს გვიჩვენებს.

ვულკანი სოლომონის კუნძულებთან ამოოფრქვა - კუნძულ ვანგუნუს სამხრეთით, 24 კმ-ის დაშორებით. როგორც ნასა-ში აცხადებენ, ის ერთ-ერთი ყველაზე აქტიური წყალქვეშა ვულკანია წყნარ ოკეანეში.

ვულკანს "შარკანო" შეარქვეს მას შემდეგ, რაც 2015 წელს ადგილზე ჩატარებულმა ექსპედიციამ აჩვენა, რომ კრატერში ზვიგენის ორი სახეობა ცხოვრობს, რომლებიც ექსტრემალურ გარემოშიც კი ახერხებენ არსებობას. აქ მცხოვრები ზვიგენები ცხელ და მჟავე წყალს უმკლავდებიან.

<iframe width="776" height="435" src="https://www.youtube.com/embed/A0RnoBNPqAQ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

ნასას მიხედვით, ვულკანი განუწყვეტლივ იფრქვევა და ორთქლი და ფერფლი ხშირად ჩანს წყლის ზედაპირზე.

წყარო: cnn

მოამზადა: ანა სიბოშვილმა