ავტორი:

სამართალდამცავებმა ძმები კაკულიები დააკავეს - მათი დაკავება 22 წლის ნიკა კვარაცხელიას მკვლელობის საქმეს უკავშირდება?

სამართალდამცავებმა ძმები კაკულიები დააკავეს - მათი დაკავება 22 წლის ნიკა კვარაცხელიას მკვლელობის საქმეს უკავშირდება?

სამართალდამცავებმა ძმები დავით და გუგა კაკულიები დააკავეს, რომლებიც არაოფიციალური ინფორმაციით, შესაძლოა, 22 წლის ნიკა კვარაცხელიას მკვლელობის საქმეში ფიგურირებდნენ.

როგორც "ინტერპრესნიუსს" შინაგან საქმეთა სამინისტროში განუცხადეს, კაკულიები ცეცხლსასროლი იარაღის უკანონო შეძენა-შენახვა-ტარების მუხლით არიან დაკავებულები.

დაუზუსტებელი ინფორმაციით, კაკულების დაკავება შესაძლოა, რამდენიმე დღის წინ არაყიშვილის ქუჩაზე მომხდარ დაჭრას უკავშირდებოდეს.

უკავშირდება თუ არა კაკულიების დაკავება ასევე, გახმაურებული საქმის - 22 წლის ნიკა კვარაცხელიას მკვლელობის საქმიდან ცალკე წარმოებად გამოყოფილი საქმის ძიებას, ეს ჯერ უცნობია.

სამართალდამცავებმა ძმები კაკულიები დააკავეს, რომლებიც არაოფიციალური ინფორმაციით, შესაძლოა, 22 წლის ნიკა კვარაცხელიას მკვლელობის საქმეში ფიგურირებდნენ

შეგახსენებთ, ნიკა კვარაცხელიას მკვლელობიდან მალევე, გავრცელდა არაოფიციალური ინფორმაცია, რომ სამართალდაცავები ერთ-ერთი ვერსიად შეკვეთილ მკვლელობას განიხილავდნენ, რის საფუძველიც ე.წ. კანონიერ ქურდად მონათვლის სურვილი გახდა. ვერსია წლების წინ მოსკოვში მოკლული კრიმინალური ავტორიტეტის, "დათო თბილისკის" მემკვიდრეს უკავშირდებოდა. "რუსთავის 2" - ის ინფორმაციით, 2001 წელს მოკლული დავით კაკულიას ერთ-ერთი შვილი მამის მსგავსად ქურდობას აპირებს.

"საზღვარგარეთ გამართულ ე.წ. სხოდკაზე მას კრიმინალური ავტორიტეტები წოდების მიღებას დაჰპირდნენ, თუმცა გარკვეული პირობით. უმცროსმა კაკულიამ ჩათვალა, რომ სტატუსს მიიღებდა იმ შემთხვევაში, თუ შურს იძიებდა 20 წლის წინ, მამის აფეთქებაზე, რაშიც მის ნათლიას, ნიკა კვარაცხელიას მამას, ასევე კანონიერ ქურდ, გია კვარაცხელიას მეტსახელად "ლაფშას" ადანაშაულებდა. სავარაუდოდ, სწორედ ეს გახდა 5 დღის წინ ანჯაფარიძის ქუჩაზე კრიმინალური შურისძიების მოტივი", - ამონარიდი "რუსთავი 2"-ის სიუჟეტიდან.

იხილეთ ასევე: