„მოხარული ვარ, რომ გაგიცნობთ“ - „იკიგაის“ ავტორი ფრანსესკ მირალესი საქართველოში ჩამოდის და ქართველ მკითხველს შეხვდება

13 ივნისს საქართველოს მსოფლიოში ცნობილი ავტორი ფრანსესკ მირალესი ეწვევა, რომლის თანაავტორობით შექმნილი ბედნიერი და ხანგრძლივი ცხოვრების იაპონური საიდუმლო „იკიგაი“ ბესტსელერად იქცა. 14 ივნისს ავტორი თბილისში, სასტუმრო „ბილტმორში“ მკითხველთან შეხვედრას გამართავს.

ბილეთის შესაძენად ეწვიეთ ბმულს

ჰექტორ გარსიასა და ფრანსესკ მირალესის თანაავტორობით შექმნილი „იკიგაი“ მოგვითხრობს იაპონურ ფილოსოფიაზე, თუ როგორ „შევაჩეროთ“ დაბერება, როგორ ვიპოვოთ დინება ყველაფერში, რასაც ვაკეთებთ, რას ნიშნავს იკიგაის დიეტა და სხვა. წიგნი 2016 წელს გამოიცა და მას შემდეგ პოპულარობით სარგებლობს, ის უკვე 54 ენაზე ითარგმნა და მსოფლიოს „შემოვლას“ კვლავაც აგრძელებს.

იკიგაი - ეს არის იაპონური კონცეფცია, რომელიც არსებობის მიზეზს გულისხმობს, „იკი“ ნიშნავს ცხოვრებას, „გაი“ - მის ღირებულებას. ადამიანის იკიგაი არის მისი ცხოვრების მიზანი ან მისით ტკბობა. მას მოაქვს ხალისი და გავსებთ შთაგონებით, ყოველდღიურად ადგეთ ლოგინიდან, დაკავდეთ საყვარელი საქმით.

მირალესის თანაავტორობით შექმნილ ნამუშევრის მიმართ ინტერესი წლიდან წლამდე იზრდება, 2022 წლის მაისიდან კი გამომცემლობა „პალიტრა L-მა“ ის ქართულ ენაზეც გახადა ხელმისაწვდომი და მისი შეძენა წიგნის მაღაზიებში უკვე შესაძლებელია.

#იკიგაი

#პალიტრაL

#ფრანსესკმირალესი

#შეხვედრაავტორთან