"გთხოვთ, აუწყოთ მრევლის წევრებს" - საპატრიარქო ერეკლე II-ს სულის მოსახსენებელ პანაშვიდს გადაიხდის
საპატრიარქო ერეკლე II-ს სულის მოსახსენებელ პანაშვიდს გადაიხდის. ინფორმაციას ამის შესახებ საპატრიარქოს საზოგადოებასთან ურთიერთობის სამსახური "ფეისბუქის" გვერდზე ავრცელებს.
მათი ცნობით, პანაშვიდი 4 ივნისს, სვეტიცხოველში გაიმართება.
"გაცნობებთ, რომ შაბათს, 2022 წლის 4 ივნისს, 12:00 საათზე, სვეტიცხოვლის საპატრიარქო ტაძარში აღესრულება ერეკლე მეფის სულის მოსახსენებელი პანაშვიდი და წმინდა მეფე-დედოფალთა სავედრებელი პარაკლისი.
გთხოვთ, აუწყოთ მრევლის წევრებს, მობრძანდეთ და პატივი მივაგოთ ჩვენი ქვეყნის ღირსეულ შვილებს“, - ნათქვამია გამოქვეყნებულ ინფორმაციაში.