"უკრაინელები ვერ იღებენ იმ განცხადებებს, რომლებსაც ზოგჯერ ვისმენთ ქვეყნების ლიდერებისგან... შეუძლებელია, უბრალოდ დათმო ტერიტორიები" - ოლენა ზელენსკა
რუსეთისთვის ტერიტორიის დათმობა იქნება თავისუფლების დათმობა და არ დაასრულებს პრეზიდენტ ვლადიმერ პუტინის შემოჭრას, - ამის შესახებ უკრაინის პირველმა ლედიმ, ოლენა ზელენსკამ განაცხადა.
"უკრაინელები ვერ იღებენ იმ განცხადებებს, რომელსაც ჩვენ ხანდახან ვისმენთ ქვეყნების ლიდერებისგან - ზოგიერთ შემთხვევაში დიდი და გავლენიანი ქვეყნების ლიდერებისგან. შეუძლებელია, უბრალოდ დათმო ტერიტორიის ნაწილები,“- აღნიშნა ზელენსკამ ABC News-თან ინტერვიუში.
მან გაიმეორა ქმრის პოზიცია, რომ დონბასის რეგიონი - სადაც რუსეთი კონცენტრირებულია შეტევაზე - ისევ უკრაინული იქნება.
"მაშინაც კი, თუ ჩვენ დავთმობთ ტერიტორიებს, აგრესორი ამით არ გაჩერდება, ის გააგრძელებს ზეწოლას, ის გააგრძელებს უფრო და უფრო მეტი თავდასხმის განხორციელებას ჩვენს ტერიტორიაზე“, - დასძინა ზელენსკამ.
შეგახსენებთ, მას შემდეგ რაც რუსეთმა უკრაინაში შეჭრის პირველ თვეებში კიევისა და ცენტრალური უკრაინის სხვა რეგიონების აღება ვერ შეძლო, დონბასი პუტინის სამხედრო ამბიციების ცენტრი გახდა.