"გავაკეთებ ყველაფერს, რომ სააკაშვილმა ხელში ძალაუფლება ვეღარასოდეს ჩაიგდოს... ეს უნდა გააკეთოს ხალხმა და არა მეგრელიშვილის მსგავსმა უღირსმა სვავებმა" - თამარ ჩერგოლეიშვილი

გირჩის“ წევრის, ვახტანგ მეგრელიშვილის მოსაზრებით, მიხეილ სააკაშვილის პრობლემის გადაწყვეტის ერთადერთი გზაა, რომ მან დროებით მაინც დატოვოს ქართული პოლიტიკა. "სააკაშვილის პრობლემის გადაწყვეტა მდგომარეობს იმაში, რომ დროებით მაინც დატოვოს ქართული პოლიტიკა და მიხედოს ჯანმრთელობას, ოჯახს", - განაცხადა მან. ამ მოსაზრებას "ფეისბუქის" პირად გვერდზე ეხმაურება "ტაბულას" დამფუძნებელი თამარ ჩერგოლეიშვილი.

"ეს უხერხემლო, უპრინციპო ჩვარი!

ბიძინა ივანიშვილი რადგან სასამართლოს აკონტროლებს და ხალხის დაჭერა შეუძლია, ამიტომ უნდა წახვიდე პოლიტიკიდან და გზა დაუთმო აი ამ ჩვარს.

სააკაშვილზე, როგორც პოლიტიკოსზე, ჩემი აზრი იცის ყველამ.

მე გავაკეთებ ყველაფერს, რომ მაგ ადამიანმა ხელში ძალაუფლება ვეღარასოდეს ჩაიგდოს.

მაგრამ ეს უნდა გაკეთდეს სამართლიანი წესებით!

ეს უნდა გააკეთოს ქართველმა ხალხმა და არა ოლიგარქის ჯიბეში ჩადებულმა სასამართლომ და მეგრელიშვილის მსგავსმა სამარცხვინო, უპრინციპო, უსამართლო და უღირსმა სვავებმა.

p.s. არ გამოვრიცხავ სააკაშვილმა ეს თავად ქნას, მაგრამ ესეც უსამართლობის შედეგი იქნება და ამ ქვეყანას მოსარჩენ ტრავმად დარჩება.

ჩვენ ვერ წავალთ წინ, თუ სამართლიანი სისტემები არ შევქმენით", - წერს ჩერგოლეიშვილი.