დღის ფოტო: უკრაინელი გოგონა სკოლის ნანგრევებში გამოსაშვები საღამოს კაბით - ემოციებით სავსე კადრი, რომელიც ინტერნეტჰიტად იქცა
ივნისი ემოციური პერიოდია სკოლის დამამთავრებელი კლასის მოსწავლეებისთვის, თუმცა წელს ეს პერიოდი განსაკუთრებულ ემოციებთანაა დაკავშირებული უკრაინელებისთვის. მიუხედავად ომისა, ცხოვრება გრძელდება, ახალგაზრდები ოპტიმიზმით არიან სავსე, თუმცა მიმდინარე მოვლენები, რა თქმა უნდა, მოქმედებს მათ განწყობაზე.
გარშემო უამრავი ტრაგედიაა, რაც ახალგაზრდებს გაღიმებისა და მხიარული განწყობის შექმნის უფლებას ართმევს.
ისინი ახლა ოცნებითა და იმედით ცხოვრობენ, რომ მალე ომი დასრულდება და მშვიდობიან გარემოში შეძლებენ ცხოვრებასა და მიზნების მიღწევას.
- სადღესასწაულო წითელ კაბაში გამოწყობილი უკრაინელი კურსდამთავრებულის ფოტო ინტერნეტჰიტად იქცა. მას უკრაინული გამოცემა "უნიანი" აქვეყნებს. ფოტოზე გოგონა წითელი კაბით სკოლის ნანგრევებში პოზირებს.
გოგონას დეიდა, ანნა ეპიშევა ამბობს, რომ სკოლა, სადაც მისი დისშვილის სწავლობდა, რუსებმა 27 თებერვალს დაბომბეს და შენობა ფაქტობრივად, სრულად განადგურდა.
“ჩემმა დისშვილმა და მისმა მეგობრებმა იყიდეს კაბები და მოუთმენლად ელოდნენ ამ დღეს, გამოსაშვები საღამოს დადგომას.
შემდეგ რუსები მოვიდნენ... მისი სკოლა 27 თებერვალს ბომბების ქვეშ მოჰყვა და განადგურდა. დღეს ის დაუბრუნდა იმ ადგილს და იყო სკოლის ნანგრევებთან, მადლობა ჩემო ძვირფასო, რომ ასეთი ძლიერი ხარ, ვამაყობ შენით და ძალიან მიყვარხარ“, - ამბობს გოგონას დეიდა.