ავტორი:

"უკრაინა ხერსონის ოლქში წარმატებულ კონტრშეტევებს ახორციელებს" - ბრიტანეთის თავდაცვის უწყება

"უკრაინა ხერსონის ოლქში წარმატებულ კონტრშეტევებს ახორციელებს" - ბრიტანეთის თავდაცვის უწყება

რუსეთი სევეროდონეცკზე თავდასხმის მცდელობებს სამი მხრიდან აგრძელებს, თუმცა უკრაინის თავდაცვა აკავებს მათ, - ამის შესახებ გაერთიანებული სამეფოს თავდაცვის სამინისტროს ყოველდღიურ ანგარიშშია აღნიშნული.

უწყების მტკიცებით, ნაკლებად სავარაუდოა, რომ რომელიმე მხარემ, ბოლო 24 საათის განმავლობაში, მნიშვნელოვან წინსვლასა და წარმატებას მიაღწია.

"მიუხედავად იმისა, რომ რუსეთი კონცენტრირებულია დონბასის ცენტრალურ სექტორზე, ის თავის ფლანგზე კვლავ თავდაცვაზე რჩება,“- აცხადებენ ბრიტანეთის თავდაცვის უწყებაში.

ამასთან, მათივე ინფორმაციით, უკრაინულმა ძალებმა ცოტა ხნის წინ მიაღწიეს გარკვეულ წარმატებას კონტრშეტევებით ხერსონის ოლქში, მათ შორის დაიბრუნეს საყრდენი პუნქტი მდინარე ინგულეცის აღმოსავლეთ სანაპიროზე.

"ოკუპირებულ ხერსონის ოლქში, რუსეთი ოლქის ადმინისტრაციას იძულებით უერთებს რუსეთის ფედერაციის ადმინისტრაციას, რუსული რუბლის შემოღებით, სკოლებში რუსი მასწავლებლების დასაქმებით, რუსული სასწავლო გეგმისა და ენის დამკვიდრების მიზნით.

რუსეთი, დიდი ალბათობით, ხერსონის ოკუპაციას გამოაცხადებს, როგორც უკრაინელი ხალხისთვის გაუმჯობესებული მმართველობისა და ცხოვრების სტანდარტების მიწოდების მტკიცებულებას,“- აცხადებენ ბრიტანეთის თავდაცვის უწყებაში.