ავტორი:

"ერთი დღე არ მიცხოვრია მის გარეშე... ცეცხლივით ბიჭი იყო" - რას ჰყვება იმედა კახიანი ვაჟის შესახებ, რომელიც მძიმე დაავადებას ემსხვერპლა?

"ერთი დღე არ მიცხოვრია მის გარეშე... ცეცხლივით ბიჭი იყო" - რას ჰყვება იმედა კახიანი ვაჟის შესახებ, რომელიც მძიმე დაავადებას ემსხვერპლა?

საქართველოს სახალხო არტისტს იმედა კახიანს წარსულში უმძიმესი ტრაგედია აქვს გადატანილი, რომლის შესახებაც, შესაძლოა, ბევრმა არ იცის. მისი ვაჟი, ლადო კახიანი მძიმე დაავადებას ემსხვერპლა.

კახიანი ამის შესახებ თითქმის არსად საუბრობდა. ლადო 12 წლის იყო, როდესაც ლეიკემია დაუდგინეს.

"დრო მკურნალიაო რომ ამბობენ, ტყუილია. პირიქით არის, რაც დრო გადის, უფრო მძიმდება. ერთი დღე ვერ იცოცხლებ უიმისოდ და მეც არ მიცხოვრია მის გარეშე. ლადო 12 წლის იყო, სიცოცხლით სავსე, ენერგიული. წყნეთში ვიყავით, ვისვენებდით და ცუდად გახდა - გახდა, არ ჭამდა, უხალისო გახდა ეს ცეცხლივით ბიჭი. საუბედუროდ, უკურნებელი სენი დაუდგინდა. ეს იყო ლეიკემია. მითხრეს, რომ 6-7 თვე იცოცხლებდა, რადგან ამის წამალი მსოფლიოში არ იყო. როგორია ახლა ამ პირობებში ცხოვრება?

თუმცა საოცრება იყო ამ ბიჭის ცხოვრება. იცოდა მან ეს ყველაფერი და ყველა მკურნალობაზე მოდიოდა. ექიმის ყველა მითითებას ასრულებდა, ყველანაირი "მტკივას" გარეშე.

ჩემი დაბადების დღე იყო, ლადოს საწოლიდან ადგომა უჭირდა. დილით მეკითხება, რას შვრები ბიჭებს არ ეძახიო? მე ვუთხარი, რომ არ შემიძლია, დაღლილი ვართქო. მომიბრუნდა და მეუბნება, რაო წავაგეთო? 12-13 წლის ბიჭი ამას მეუბნება. დაუძახა დედამისს, ჩამაცვიო. შემდეგ მითხრა, დაუძახე შენს ძმაკაცებს და შენი დაბადების დღე აღვნიშნოთო. ავღნიშნეთ.. ამის მერე წახდენა და დაცემა არ შეიძლება. ეს საშინელებაა" - იხსენებს უმძიმეს პერიოდს იმედა კახიანი, "ფორმულას" ეთერში, გადაცემაში "ბაიასთან" საუბრისას.

ნახეთ ვიდეო: