"ხშირად გამიგონია, - მიდი ბებო, ადი, ჩქარა გადაგიღოო, არადა, აწერია არ ახვიდეთო... ევროპა არა ისა" - ზურა შევარდნაძე
"გარდენიას" მფლობელი, ცნობილი მებაღე, ზურა შევარდნაძე, სოციალურ ქსელში პოსტს აქვეყნებს და ქართველი საზოგადოების ნაწილის ქცევებზე და ამ კონტექსტში, ევროკავშირისკენ ჩვენი ქვეყნის მისწრაფებაზე წერს.
"ოქროსთევზებიან აუზთან წარწერა გავაკეთეთ: "ბავშვებო, გთხოვთ აუზში კენჭებს ნუ ჩაყრით მუჭებით ბაღის ბილიკებიდან".
ალპინარიუმთან გვიწერია: "ბავშვებო, გთხოვთ ქვებზე ნუ ახვალთ.."
ჭიშკარზე : "სამეურნეო ნაწილია, ნუ შეხვალთ!!!"
ხშირად ვზივარ ნეკერჩხლის ქვეშ, ვეიგელას ბუჩქები მეფარება და ბაღის სტუმრები ვერ მხედავენ, მე კი მათი საუბარი მესმის, გამიგონია ხშირად იქ მჯდომს: "მიდი დედა მიდი ჩაყარე, აწერია არ შეიძლებაო.."
"მიდი ბებო ადი ჩქარა გადაგიღო, აწერია არ ახვიდეთ, არ შეიძლებაო.."
"შევიდეთ, შევიდეთ რა, არავინ არაა"
ევროპა არა ისა.." - წერს ზურა შევარდნაძე.