ავტორი:

"დავიწყეთ შიმშილობა, ვითხოვთ პრემიერთან შეხვედრას" - 9 აპრილის სიმბოლოდ ქცეული ლელა ვეფხვაძე აცხადებს, რომ "უსინათლოთა კავშირიდან" უსამართლოდ გაათავისუფლეს

"დავიწყეთ შიმშილობა, ვითხოვთ პრემიერთან შეხვედრას" - 9 აპრილის სიმბოლოდ ქცეული ლელა ვეფხვაძე აცხადებს, რომ "უსინათლოთა კავშირიდან" უსამართლოდ გაათავისუფლეს

9 აპრილის მოვლენების სიმბოლოდ ქცეული უსინათლო მომღერალი ლელა ვეფხვაძე ამბობს, რომ "საქართველოს უსინათლოთა კავშირიდან" უსამართლოდ გაათავისუფლეს. მისი თქმით, ამის მიზეზი გახდა ის პროტესტი და კრიტიკა, რომელსაც მომღერალი ორგანიზაციაში მიმდინარე პროცესების მიმართ გამოთქვამდა. ლელა ვეფხვაძის თქმით, უკვე ხუთი თვეა, რაც ის და მასთან ერთად კიდევ 10-ზე მეტი ადამიანი "უსინათლოთა კავშირიდან" გამოუშვეს.

"ვაპროტესტებდით "უსინათლოთა კავშირში" არსებულ კორუფციულ ფაქტებს. სწორედ ამის გამო გაგვათავისუფლეს უსამართლოდ. სამმა ადამიანმა გადავწყვიტეთ მივმართოთ პროტესტის უკიდურეს ფორმას. დღეს დავიწყეთ შიმშილობა, ვსხედვართ კანცელარიასთან და ვითხოვთ პრემიერთან შეხვედრას, რადგან აქამდე არაერთ პირს შევხვდით უშედეგოდ. მოვითხოვთ, დაგვაბრუნონ ჩვენს კუთვნილ პოზიციებზე და აგვინაზღაურონ 5 თვის ხელფასი" - განაცხადა AMBEBI.GE -სთან ლელა ვეფხვაძემ.