კოლუმბიის საპრეზიდენტო არჩევნებში გუსტავო პეტრომ გაიმარჯვა
კოლუმბიის დედაქალაქის, ბოგოტას ყოფილი მერი, მემარცხენე გუსტავო პეტრო კოლუმბიის საპრეზიდენტო არჩევნებში გამარჯვებულად გამოცხადდა.
მედიის ინფორმაციით, არჩევნების მეორე ტურში პეტრომ მემარჯვენე როდოლფო ერნანდესი დაამარცხა.
მონაცემების თანახმად, გუსტავო პეტრომ ხმების 50.5% მიიღო და კოლუმბიის პირველი მემარცხენე ლიდერი გახდა.
ამასთან, კოლუმბიის ვიცე-პრეზიდენტი ფრანსია მარკესი გახდება, რომელიც ქვეყნის პირველი ფერადკანიანი ქალი ვიცე-პრეზიდენტი იქნება.