ავტორი:

"მადლობა თმენისთვის და ჩვენი ეროვნული ინტერესის მტკიცედ დაცვისთვის" - მარიამ ლაშხი პრემიერს

"მადლობა თმენისთვის და ჩვენი ეროვნული ინტერესის  მტკიცედ დაცვისთვის" - მარიამ ლაშხი პრემიერს

საკანონმდებლო ორგანოში პრემიერის სიტყვით გამოსვლა ხმაურის ფონზე წარიმართა. ირაკლი ღარიბაშვილმა მწვავედ გააკრიტიკა ოპოზიციონერი პოლიტიკოსები, თავის მხრივ არც საპარლამენტო უმცირესობის წევრებს დაუკლიათ კრიტიკა მთავრობის მეთაურისთვის.

"ქართული ოცნების" წევრმა მარიამ ლაშხმა, პრემიერს მოთმინების გამოჩენისთვის მადლობა გადაუხდა და დასძინა, რომ არა ღარიბაშვილისნაირი პრემიერი, "დღეს ჩვენი ქვეყნის მოსახლეობა ძალიან ცუდ დღეში იქნებოდა.

"ბატონო ირაკლი, მინდა, პირველ რიგში, მადლიერებით დავიწყო იმ თმენისთვის და მტკიცედ ჩვენი ეროვნული ინტერესის დაცვისთვის. სულ ოდნავ პოპულისტური პრემიერი რომ გვყოლოდა, დღეს ჩვენი ქვეყნის მოსახლეობა ძალიან ცუდ დღეში იქნებოდა." - უთხრა მარიამ ლაშხმა ირაკლი ღარიბაშვილს.