"რიტორიკული თამაშები სახიფათოა" - რუსეთი დასავლეთს აფრთხილებს: რა ხდება კალინინგრადის ბლოკირების საკითხზე?
რუსეთის საგარეო საქმეთა მინისტრის მოადგილე სერგეი რიაბკოვმა დასავლეთი გააფრთხილა, რომ ლიეტუვასა და რუსეთს შორის დაპირისპირების დროს, ნატო-ს მე-5 მუხლის ორმხრივი თავდაცვის პუნქტის გააქტიურებაზე საუბარი შეწყვიტონ.
ამის შესახებ ინფორმაცია მედიაში ვრცელდება.
"რუსეთთან კონფლიქტის თემის შესახებ რიტორიკული თამაშები სახიფათოა", - განაცხადა რიაბკოვმა
რიაბკოვის განცხადება მოჰყვა აშშ-ის სახელმწიფო დეპარტამენტის პრესსპიკერის, ნედ პრაისის პასუხს კითხვაზე, უჭერს თუ არა შეერთებული შტატები მხარს ლიეტუვას, რუსეთის მხრიდან რაიმე საფრთხის შემთხვევაში, რაზეც ნედ პრაისმა აღნიშნა, რომ ლიეტუვა არის ნატო-ს წევრი და მას მხარს უჭერენ.
"ეს მოიცავს, რა თქმა უნდა, ვალდებულებას მე-5 მუხლის მიმართ, რომელიც ნატო-ს ალიანსის საფუძველია. ჩვენ მხარს ვუჭერთ ნატო-ს, ჩვენს ნატოელ მოკავშირეებს და ჩვენ მხარს ვუჭერთ ლიეტუვას", - აღნიშნა ნედ პრაისმა.
- შეგახსენებთ, 18 ივნისს, ლიეტუვის რკინიგზამ საკუთარ ტერიტორიაზე კალინინგრადისკენ რუსეთის იმ ტვირთების გატარება შეწყვიტა, რომლებზეც ევროკავშირის სანქციები ვრცელდება.
ლიეტუვამ გადაკეტა დერეფანი, რომელიც რუსეთს აკავშირებს მისივე ევროპულ ანკლავთან - კალინინგრადის ოლქთან, რომელიც ლიეტუვასა და პოლონეთს ესაზღვრება. ცნობილია, რომ ევროკავშირის აკრძალვა რუსეთის რეგიონებიდან კალინინგრადში მიმავალი ტვირთების თითქმის 50%-ზე ვრცელდება.
ნახეთ ასევე: