ავტორი:

"კანდიდატის სტატუსს მიიღებთ მაშინვე, როცა დასახული პრიორიტეტები შესრულდება" - ევროპელი ლიდერების პირველი განცხადებები და შარლ მიშელის პოსტი ქართულ ენაზე

"კანდიდატის სტატუსს მიიღებთ მაშინვე, როცა დასახული პრიორიტეტები შესრულდება" - ევროპელი ლიდერების პირველი განცხადებები და შარლ მიშელის პოსტი ქართულ ენაზე

ევროკავშირის საბჭომ მიიღო გადაწყვეტილება, რომ აღიაროს საქართველოს ევროპული პერსპექტივა და განაცხადა, რომ მზადაა კანდიდატის სტატუსი მიანიჭოს, როგორც კი დასახული პრიორიტეტები შესრულდება. საბჭომ ევროკავშირის კანდიდატის სტატუსი მიანიჭა უკრაინასა და მოლდოვას.

  • გადაწყვეტილების გაჟღერების შემდეგ პირველი განცხადებები გააკეთეს ევროპელმა ლიდერებმა.

ევროკომისიის პრეზიდენტმა, ურსულა ფონ დერ ლაიენმა ბრიუსელში გამართულ ბრიფინგზე განაცხადა, რომ საქართველომ რამდენიმე მნიშვნელოვანი რეფორმა უნდა გაატაროს კანდიდატის სტატუსის მისაღებად.

"ჩემი გზავნილი საქართველოს მოსახლეობისთვის გახლავთ უზარმაზარი სურვილის ხაზგასმა, რომ თქვენ იყოთ ევროკავშირის წევრი, ეს არის ძალიან ძლიერი სტიმული ევროკავშირის მიმავალ გზაზე. საქართველომ მიიღო პერსპექტივა, ეს არის ძალიან სერიოზული ნაბიჯი ევროკავშირში გაწევრიანებისთვის.

პირველად ხდება, რომ მიღწეულია ეს ეტაპი. თქვენ ძლიერი ეკონომიკა გაგაჩნიათ. ძალიან დიდი იყო პოლიტიკური პროგრესი. ამჟამად საჭიროა რამდენიმე რეფორმის განხორციელება, რომელიც მნიშვნელოვანია: პოლიტიკური ერთიანობის ჩვენება, სამოქალაქო საზოგადოების ჩართულობა და მოძრაობა ამ რეფორმების მიმართულებით. შემდეგი ნაბიჯები უკვე მიღწევადია“, - განაცხადა ურსულა ფონ დერ ლაიენმა.

  • ევროპული საბჭოს პრეზიდენტი, შარლ მიშელი კი ამბობს, რომ საქართველოს მომავალი ევროკავშირშია. შესაბამისი განცხადება მიშელმა "ტვიტერში" გამოაქვეყნა.

"ევროკავშირის საბჭომ გადაწყვიტა აღიაროს საქართველოს ევროპული პერსპექტივა და მზადაა კანდიდატის სტატუსი მიანიჭოს, როგორც კი დასახული პრიორიტეტები შესრულდება. ვულოცავ ქართველ ხალხს. ეს ისტორიული მომენტია ევროკავშირი-საქართველოს ურთიერთობებში: საქართველოს მომავალი ევროკავშირშია”, - წერს მიშელი "ტვიტერზე."

აღსანიშნავია, რომ მისი განცხადება ქართულ ენაზეა გამოქვეყნებული

<blockquote class="twitter-tweet"><p lang="ka" dir="ltr">ევროკავშირის საბჭომ გადაწყვიტა აღიაროს საქართველოს ევროპული პერსპექტივა და მზადაა კანდიდატის სტატუსი მიანიჭოს, როგორც კი დასახული პრიორიტეტები შესრულდება. <br><br>ვულოცავ ქართველ ხალხს.<br><br>ეს ისტორიული მომენტია ევროკავშირი– საქართველოს ურთიერთობებში: საქართველოს მომავალი ევროკავშირშია. <a href="https://t.co/MOEU6MyJmN">pic.twitter.com/MOEU6MyJmN</a></p>&mdash; Charles Michel (@CharlesMichel) <a href="https://twitter.com/CharlesMichel/status/1540037470154362891?ref_src=twsrc%5Etfw">June 23, 2022</a></blockquote> <script async src="https://platform.twitter.com/widgets.js" charset="utf-8"></script>
  • "საქართველომ უზარმაზარ წარმატებას მიაღწია ევროპულ გზაზე, როგორც ეს ევროკავშირის საბჭომ დღეს დაადასტურა", – ამის შესახებ ევროკომისიის ვიცე-პრეზიდენტი ვალდის დომბროვსკისი "ტვიტერზე“ წერს.

"ჩვენ სრულად ვაღიარებთ და მხარს ვუჭერთ მის ევროპულ მისწრაფებებს და მზად ვართ, საქართველოს რეფორმების დღის წესრიგის გზამკვლევი ვიყოთ, რათა ქვეყანა ევროპულ ოჯახთან დავაახლოვოთ“,- წერს ევროკომისიის ვიცე-პრეზიდენტი.