ავტორი:

"გიორგის არანაირი დარღვევა არ ჰქონია და ეს გაითვალისწინეს" - "ბახალა” სასჯელის ბოლო თვეებს სპეციალური რეჟიმით მოიხდის და შაბათ-კვირას სახლში გაატარებს

"გიორგის არანაირი დარღვევა არ ჰქონია და ეს გაითვალისწინეს" - "ბახალა” სასჯელის ბოლო თვეებს სპეციალური რეჟიმით მოიხდის და შაბათ-კვირას სახლში გაატარებს

"გიორგის არასდროს არანაირი დარღვევა არ ჰქონია და ეს გაითვალისწინეს" - "ბახალა" სასჯელის ბოლო თვეებს სპეციალური რეჟიმით მოიხდის და შაბათ-კვირას სახლში გაატარებს.

გიორგი გიორგანაშვილი (ბახალა) სასჯელის ბოლო თვეებს სპეციალური რეჟიმით მოიხდის, რაც იმას ნიშნავს, რომ ყოველ შაბათ-კვირას იგი შინ გაატარებს.

მსახიობის ადვოკატის თქმით, ადმინისტრაციამ გაითვალისწინა გიორგის ყოფა-ქცევა და ჩათვალა, რომ "ის სოციუმისთვის საშიში არ არის“.

შეგახსენებთ, რომ გიორგი გიორგანაშვილს 8 წლით თავისუფლების აღკვეთა აქვს მისჯილი და საპატიმრო დაწესებულებაში 2018 წლის 23 იანვრიდან იმყოფება. მას მსჯავრი დაედო დიდი ოდენობით – 0.3726 გრამი ბუპრენორფინის (სუბუტექსი) შეძენა-შენახვის საქმეზე. მსახიობი ბრალს არ აღიარებს და ამბობს, რომ ნარკოტიკები ჩაუდეს, რადგან არ დასთანხმდა პოლიციის მოთხოვნას მათთან თანამშრომლობაზე.

როგორც ცნობილი გახდა, მის მუხლს შემდეგ ამნისტიის კანონი შეეხო და სასჯელი 1/4-ით შეუმცირდა.

გიორგი მახარაძე, გიორგი გიორგანაშვილის ადვოკატი:

"გიორგი შაბათ-კვირას დატოვებს საპატიმრო დაწესებულებას და ორშაბათს უკან დაბრუნდება. ესაა მთელი სპეცრეჟიმი და ის სასჯელის მოხდამდე გაგრძელდება. ეს ჩვეულებრივი პროცედურაა..

მივმართეთ ადმინისტრაციას და დაგვიკმაყოფილა მოთხოვნა, მით უმეტეს, გიორგის არასდროს არანაირი დარღვევა არ ჰქონია.

როგორც ჩანს, ესეც გაითვალისწინეს, თავიდანვე ყველასთვის ცნობილი იყო, რომ გიორგი სოციუმისთვის არაა საშიში. გიორგის ერთი წელი დარჩა სასჯელის საბოლოო მოხდამდე, უდო-ზე ერთი უარი მივიღეთ, რაც გასაჩივრებული გვაქვს და ველოდებით გადაწყვეტილებას, ვნახოთ, რა იქნება“.