ავტორი:

"ოჯახი შეჩვეულია ჩემგან რისკიან გადაწყვეტილებებს..." - რას ჰყვება გუკა რჩეულიშვილი, რომელიც უკრაინაში, ცხელ წერტილში დოკუმენტური ფილმის გადასაღებად იმყოფებოდა

"ოჯახი შეჩვეულია ჩემგან რისკიან გადაწყვეტილებებს..." - რას ჰყვება გუკა რჩეულიშვილი, რომელიც უკრაინაში, ცხელ წერტილში დოკუმენტური ფილმის გადასაღებად იმყოფებოდა

128 დღეა რაც უკრაინაში ომი გრძელდება. ცივილული სამყარო უკრაინის გვერდით დგას. იქ ხშირად ჩადიან სხვადასხვა ქვეყნების ლიდერები, ცნობილი ადამიანები, როგორც ჰუმანიტარული მისიით, ასევე შემოქმედებითი ინტერესით. ჯერ კიდევ ომის დაწყებიდან რამდენიმე დღეში ესტუმრა უკრაინას შონ პენი, რომელმაც მას შემდეგ იქ კიდევ რამდენჯერმე იმოგზაურა. ცნობილი რეჟისორი 21-ე საუკუნის ყველაზე სასტიკ ომზე დოკუმენტურ ფილმს იღებს.

ერთი დღეა რაც უკრაინიდან საქართველოში დაბრუნდა რეჟისორი გუკა რჩეულიშვილი, სადაც ფილმის გადასაღებად ცხელ წერტილში ათი დღით ჩავიდა. ჩვენთან საუბრისას ამბობს, რომ ამ თემაზე საუბარი ჯერჯერობით არ სურს, თუმცა რამდენიმე დეტალი მაინც გაგვიმხილა.

ფილმი წლის ბოლოს გამოვა. გუკას თქმით, მისი უკრაინაში ყოფნის შესახებ ახლო მეგობრებმაც კი არ იცოდნენ.

გუკა რჩეულიშვილი:

- ათი დღის განმავლობაში ვიყავი უკრაინაში, გუშინ ღამე დავბრუნდი. ჩემთან ერთად იყვნენ გოგა დევდარიანი და გიორგი მასხარაშვილი. დოკუმენტური ფილმის გადასაღებად წავედით. ვიყავით კრივოი როგში, კიევში, ბუჩაში, გოსტომელსა და ხერსონის მიმდებარე ტერიტორიებზე. საქართველოს და უკრაინას ხომ საერთო მტერი გვყავს?! ფილმი არის იმაზე, რომ მეტაფორულად ვთქვათ, ნგრევის დროს როგორ შეიძლება შენებაც მიმდინარეობდეს. აქ მხოლოდ ინფრასტრუქტურაზე არ არის საუბარი. ყველაფერს ორი მხარე აქვს და საუბარია, იმაზე, რომ ყველა გამოწვევამ გაგაძლიეროს.

- რა დაგხვდათ იქ ისეთი, რაც მოულოდნელი იყო თქვენთვის, ჩვენ ყოველდღიურად პირდაპირ ეთერში ვუყურებთ უმძიმეს კადრებს...

- ომში საქართველოშიც ვიყავი 2008 წელს და ომი ყველგან ომია. ერთი და იგივეა და საშინელებაა. როგორც ქართველ მებრძოლებში, ასევე უკრაინელებში ის მომეწონა, რომ ომის დროს ღიმილისა და ოპტიმიზმის უნარი არ დაკარგეს. ჩვენთან აგვისტოს ომის დროს მხნეობა ჯარსა და ხალხს დაკარგული არ ჰქონდა. მახსოვს, გორსა და კარალეთში ვიყავი მაშინ. ხალხი ჩვენთანაც კარგია და უკრაინაშიც, ცხოვრება გრძელდება და სიცოცხლის გაგრძელების მოტივაცია იმატებს.

- რა გადაიღეთ, რა იქნება მოთხრობილი თქვენს ფილმში?

- ფილმი რეპორტაჟის ფორმატი არ არის. ეს არის ყოველდღიურობა და შიგნიდან დანახული ომი გარე დამკვირვებლებისგან, თუ როგორ ხდება გმირების ადაპტირება ამ ომთან. ფილმში არ იქნება ინტერვიუები, ვნახოთ, რა გამოვა. ჩვენი იარაღი ხომ კამერაა?!

- ოჯახი როგორ შეხვდა თქვენს გადაწყვეტილებას, რომ ფრონტის წინა ხაზზე ფილმის გადასაღებად წახვედით?

- ჩემი ოჯახი შეჩვეულია ჩემგან რისკიან გადაწყვეტილებებს...