ვლადიმერ პუტინმა დიმიტრი როგოზინი "როსკოსმოსის" ხელმძღვანელის თანამდებობიდან გაათავისუფლა
რუსეთის ფედერაციის პრეზიდენტმა, ვლადიმერ პუტინმა დიმიტრი როგოზინი "როსკოსმოსის" ხელმძღვანელის პოსტიდან გაათავისუფლა. მის ნაცვლად კი ყოფილი ვიცე-პრემიერი იური ბორისოვი დანიშნა.
შესაბამისი განკარგულებები კრემლის ოფიციალურ ვებგვერდზეა გამოქვეყნებული. მანამდე ამ ცვლილების შესახებ რამდენიმე რუსულმა გაზეთმა წყაროებზე დაყრდნობით დაწერა.
გაზეთ "Ведомости"-ის ცნობით, როგოზინი შეიძლება დაინიშნოს ოკუპირებული დონბასის ზედამხედველად.
როგოზინი "როსკოსმოსის" ხელმძღვანელად 2018 წლიდან მუშაობდა, მანამდე კი ვიცე-პრემიერი იყო.
მისი მუშაობის დროს "როსკოსმოსმა" ორბიტაზე მონოპოლია დაკარგა, უკრაინასთან ომის დაწყების შემდეგ კი გაწყვიტა თანამშრომლობა ევროპის კოსმოსურ სააგენტოსთან.
წყარო: ekhokavkaza.com