რუსულმა ძალებმა ჩუგუევი დაბომბეს - არიან დაღუპულები და დაშავებულები
რუსულმა ძალებმა ხარკოვის ოლქის ქალაქ ჩუგუევში წუხელ სარაკეტო დარტყმა განახორციელეს, - ინფორმაციას უკრაინული მედია საგანგებო სიტუაციების სახელმწიფო სამსახურზე დაყრდნობით ავრცელებს.
მათივე ინფორმაციით, არიან დაღუპულები და დაშავებულები.
"16 ივლისს, 03:20 საათზე, ჩუგუევზე სარაკეტო შეტევა განხორციელდა. დაბომბვის შედეგად ნაწილობრივ განადგურდა ორსართულიანი საცხოვრებელი კორპუსი. ნანგრევებიდან ერთი ადამიანი ამოიყვანეს, რომელიც საავადმყოფოში გადაიყვანეს“, - აცხადებენ უწყებაში.
მათივე ცნობით, ნანგრევებში ადამიანების მოსაძებნად სამუშაოები ჯერ კიდევ გრძელდება.